Mukesh Khanna : పొగాకు ఉత్ప‌త్తులు ఎంత ప్ర‌మాద‌క‌ర‌మో ప్ర‌త్యేకంగా చెప్ప‌న‌క్క‌ర్లేదు. అవి క్యాన్స‌ర్ కార‌కాలు అయిన‌ప్ప‌టికీ ప్ర‌జ‌లు సెల‌బ్రిటీల ప్ర‌చారాన్ని న‌మ్మి మోస‌పోతున్నారు. స్టార్లు ప్ర‌క‌ట‌న‌ల్లో న‌టించి అమాయ‌క ప్ర‌జ‌ల‌ను త‌ప్పుదారి ప‌ట్టించ‌డంపై ఎన్ని విమ‌ర్శ‌లు వ‌స్తున్నా కూడా సెల‌బ్రిటీలు అందులో న‌టిస్తూ పోతున్నారు. గత ఏడాది పొగాకు బ్రాండ్ విమల్ కోసం షారూఖ్ ఖాన్, అక్షయ్ కుమార్, అజయ్ దేవగన్‌లతో కూడిన ప్రకటన ఎయిర్ లోకి రాగానే అభిమానులు దానిని తీవ్రంగా త‌ప్పు ప‌ట్టారు. పొగాకును ప్రోత్సహిస్తున్నందుకు సోషల్ మీడియా వినియోగదారులలో ఒక వర్గం ఇందులో న‌టించిన స్టార్ల‌ను నిందించింది.
పాన్ మసాలా వంటి బ్రాండ్‌లపై యాడ్స్‌లో నటించే హీరోలపై ఎంత విరుచుకుప‌డిన వారు ఆగ‌డం లేదు. తాజాగా, టెలివిజన్ శక్తిమాన్ నటుడు ముఖేశ్ ఖన్నా పలు వ్యాఖ్యలు చేశాడు. బాలీవుడ్ స్టార్ హీరోలు షారుక్ ఖాన్, అజయ్ దేవ్‌గణ్, అక్షయ్ కుమార్ తదితరులు పలు పాన్ మసాలా యాడ్స్‌లలో నటిస్తున్నారు. వీరంతా ఇలాంటి యాడ్స్‌లో యాక్ట్ చేయద్దని, ఇప్పటినుంచి మానేయాలని ముఖేల్ కన్నా కోరారు. ఆరోగ్యంపై శ్రద్ధ చూపించే అక్షయ్ కుమార్ వంటి వారు కూడా భయంకరమపై పాన్ మసాలా వంటి యాడ్స్‌లో నటించడం బాధాకరమన్నారు. ఆయనను కలిసి మాట్లాడానని చెప్పుకొచ్చారు.
నేను అక్షయ్ కుమార్‌ని కూడా తిట్టాను అని ముఖేష్ అన్నారు. పెద్ద స్టార్లు ఇలాంటి ప్రకటనలు చేసే ముందు మరింత బాధ్యతగా ఉండాలని భావిస్తున్నారా? అని ప్ర‌శ్నించ‌గా..ముఖేష్ ఇలా అన్నారు. “నన్ను అడిగితే వారిని ప‌ట్టుకుని త‌న్నండి అని అంటాను. ఈ విషయం వారితో చెప్పాను. నేను అక్షయ్ కుమార్‌ని కూడా తిట్టాను. అతడు ఆరోగ్యానికి అంబాసిడ‌ర్ అయితే అతను `ఆదాబ్` అని చెప్పాడు. అజయ్ దేవగన్ `ఆదాబ్` అని చెప్పాడు. ఇప్పుడు షారూఖ్ ఖాన్ కూడా అదే చేస్తున్నాడు. ఈ ప్రకటనల తయారీకి కోట్లాది రూపాయలు వెచ్చిస్తున్నారు. మరి మీరు ప్రజలకు ఏం బోధిస్తున్నారు?.. వారు అంటున్నారు.. మేము పాన్-మసాలా అమ్మడం లేదని… వారు దానిని సుపారీ (బీటిల్ నట్) అంటున్నారు. కానీ వారు ఏం చేస్తున్నారో వారికి తెలుసు!.. అని స్టార్ల‌ను సూటిగా విమ‌ర్శించారు.
