Naga Chaitanya : గ‌త రెండు మూడు రోజులుగా సోష‌ల్ మీడియాలో నాగ చైతన్య, శోభిత‌ల‌కి సంబంధించిన వార్త‌లు నెట్టింట తెగ హ‌ల్‌చ‌ల్ చేస్తున్నాయి. నేష‌న‌ల్ వైడ్‌గా ట్రెండ్ అవుతూ ప్ర‌తి ఇండ‌స్ట్రీలో హాట్ టాపిక్‌గా మారింది. ఎవ‌రి నోటా విన్నా ఇప్పుడు ఈ జంట, స‌మంతల పేరే వినిపిస్తుండ‌గా వీరి వ్య‌వ‌హ‌ర‌మే బాగా చ‌ర్చించుకుంటున్నారు. తాజాగా ఈ విష‌యంలోకి ప్ర‌ముఖ సినీ జ్యోతిష్యుడు వేణు స్వామి ఎంట్రీ ఇచ్చి ఈ ఎంగేజ్‌మెంట్ వార్త‌ను మ‌రింత ఆస‌క్తిక‌రంగా మార్చాడు. సమంత కంటే శోభిత జాతకం ఏమాత్రం బాగాలేదని, 2027 వ‌ర‌కు బాగానే ఉన్నా ఈ మూడేళ్ల తర్వాత చైతూ, శోభితకు ఒక స్త్రీ మూలంగా సమస్యలు, గొడవలు వస్తాయన్నాడు.
అంతేకాక వీరు ఎంగేజ్‌మెంట్ చేసుకున్న ముహుర్తం, పుట్టిన నక్షత్రం వివరాలు చూస్తుంటే వారు ఏమాత్రం కలిసి ఉండలేరని, కచ్చితంగా విడిపోతారని వేణు స్వామి చెప్పాడు. నాగ చైతన్య రాశి కర్కాటక రాశి. శోభిత ధూళిపాళది ధనుస్సు రాశి అని అందులో నాగ చైతన్యకు 6, శోభితకు 8 పాయింట్లు వచ్చాయన్నారు. శోభిత జాతకంలో శని దృష్టి కుజుడితో పాటు శుక్రుడు, గురుడుల మీద ఉందన్నారు. ఇద్దరి జాతకాల్లో షష్టాకాలు వచ్చాయని అన్నాడు. నేను కావాల‌ని, తెలియ‌కుండా చెప్ప‌డంలేద‌ని నేను చెప్పిన జాతకం ఫెయిల్ అవ్వాలని కోరుకుంటున్నా అని అన్నారు. వేణు స్వామి కామెంట్స్ ప‌ట్ల అక్కినేని అభిమానులు తీవ్ర ఆగ్ర‌హానికి గుర‌య్యారు. సోష‌ల్ మీడియాలో ఆయ‌న్ను ఓ రేంజ్ లో ఏకేస్తున్నారు.
ఈ క్ర‌మంలోనే వేణు స్వామి ప్రిడిక్ష‌న్ కు కౌంట‌ర్ గా నాగ చైత‌న్యకి సంబంధించి ఓ పాత వీడియోను ఫ్యాన్స్ వైరల్ చేస్తున్నారు. ఈ వీడియోలో జాత‌కాల‌పై నాగ చైతన్య షాకింగ్ కామెంట్స్ చేశారు. ఓ టీవీ షోలో పాల్గొన్న నాగ చైత‌న్య‌ను.. `నువ్వు జాతకాన్ని నమ్ముతావా?` అంటూ హోస్ట్ రానా ప్ర‌శ్నించాడు. అందుకు నాగ‌చైత‌న్య `జాతకాన్ని నమ్మడం, నమ్మకపోవడం నా కన్వీనియన్స్‌పై ఆధారపడి ఉంటుంది. జాతకం పాజిటివ్ గా ఉంటే నమ్ముతా.. లేకపోతే అసలు పట్టించుకోను` అంటూ అదిరిపోయే ఆన్స‌ర్ ఇచ్చాడు.
