Mohan Babu : క‌లెక్ష‌న్ కింగ్ మోహన్ బాబు తన బ‌ర్త్ డే సందర్భంగా ఓ యూట్యూబ్ ఛానెల్‌కి ఇంట‌ర్వ్యూ ఇచ్చారు. ఇందులో ఆసక్తికర విష‌యాలు తెలియ‌జేశారు. మోహన్ బాబుతో ఎవ‌రికైన అభిప్రాయబేధాలు వస్తే కుండబద్ధలు కొట్టినట్లు చెప్పడం.. మ‌నం చూస్తూనే ఉన్నాం.అయితే చిరంజీవితోను మోహన్ బాబుకి ప‌లు సంద‌ర్భాల‌లో విబేధాలు వ‌చ్చాయి. ఇక చిత్ర పరిశ్రమలో మంచు ఫ్యామిలీ, మెగా ఫ్యామిలీ మధ్య విభేదాల గురించి తరచుగా వార్తలు వ‌స్తున్న నేప‌థ్యంలో దీనిపై మోహన్ బాబు స్పందిస్తూ చిరంజీవి గురించి ఆసక్తికర వ్యాఖ్యలు చేశారు.
నాకు చిరంజీవికి విభేదాలు ఉన్నాయని తరచుగా వార్తలు రాస్తుంటారు. మేము ఎన్నో సార్లు కలుస్తుంటాం.. మాట్లాడుకుంటాం. భార్య భర్తల్లాగా పోట్లాడుకుని మళ్ళీ కలసిపోతుంటాం అని సరదా వ్యాఖ్యలు చేశారు. మా అసోసియేషన్ ఎన్నికల సందర్భంగా మంచు, మెగా ఫ్యామిలీ మధ్య విభేదాలు స్పష్టంగా బయట పడ‌డం మ‌నం చూశాం. అయితే చిరంజీవి మన మోహన్ బాబే కదా అని ఆయన మాటలను పాజిటివ్ గా తీసుకోవడం చేస్తుంటారు. టామ్ అండ్ జెర్రీలా ఉన్నా కూడా ఎప్పుడైనా సందర్భం వస్తే వీళ్ళు కలిసినంత ఆప్యాయంగా మరెవరూ ఉండరేమో అనేంత క్లోజ్ రిలేషన్ షిప్ కలిగి ఉంటారు.
మోహన్ బాబు, చిరంజీవి ఎన్నో చిత్రాల్లో కలసి నటించిన సంగతి తెలిసిందే. వీరిద్దరి మధ్య ఇప్పుడు మంచి ఫ్రెండ్షిప్ అయితే ఉంది. ఇక మోహన్ బాబు ఇప్ప‌టికీ ప‌లు చిత్రాలు చేస్తుండ‌గా, అవి మాత్రం పెద్ద‌గా సక్సెస్ కావడం లేదు. ఇటీవ‌ల ఆయన నటించిన సినిమాలు ఫ్లాప్ అయ్యాయ‌ని మోహన్ బాబే స్వ‌యంగా ఒప్పుకోవ‌డం విశేషం. ఇక తన పెద్ద కుమారుడు మంచు విష్ణు నటించిన జిన్నా చిత్రంపై మాట్లాడుతూ ఆ మూవీ మంచిగా ఉంటుంది. అయిన‌ప్ప‌టికీ అది ఎందుకు ఫెయిల్ అయిందో అర్థం కావడం లేదు అని అన్నారు. తాను తరచుగా ఎమోషనల్ అవుతుంటానని కూడా మోహన్ బాబు అన్నారు.
