Meena : బాలనటిగా ఇండ‌స్ట్రీకి ఎంట్రీ ఇచ్చి ఆ త‌ర్వాత హీరోయిన్‌గాను ఎంద‌రో ప్రేక్ష‌కుల మ‌న‌సులు కొల్ల‌గొట్టింది మీనా. 1982లో బాలనటిగా కెరీర్ స్టార్ట్ చేసిన ఆమె దాదాపు 50 సినిమాల్లో నటించి చైల్డ్ ఆర్టిస్టుగానే స్టార్‌‌డమ్ చూసింది. రాజేంద్రప్రసాద్ లీడ్ రోల్ చేసిన ‘నవయుగం’ సినిమాతో మీనా హీరోయిన్‌గా మారారు. అదే ఏడాది తమిళంలోనూ ఫిమేల్ లీడ్‌గా ఎంట్రీ ఇచ్చారు. టాలీవుడ్‌లో ‘సీతారామయ్యగారి మనవరాలు’, కోలీవుడ్‌లో ‘ఒరు పుదియ కాదల్’ సినిమాలు మీనాకు మంచి విజ‌యాల‌ని అందించ‌డంతో ఇక వరుస అవకాశాలతో బిజీ అయిపోయారు. సౌత్‌ టాప్ హీరోయిన్స్ లో ఒకరిగా కూడా మారింది.
సెకెండ్ ఇన్నింగ్స్ లో మీనా కాస్త సెలెక్టివ్‌గా ఉంటూ. తన ఇమేజ్‌కు తగ్గ పాత్రలు వస్తేనే చేస్తున్నారు. ‘దృశ్యం’ సినిమాలోని పాత్ర తనకి చాలా మంచి పేరు తెచ్చింది. అలాగే.. టెలివిజన్‌ ఫీల్డ్లోనూ తనదైన ముద్ర వేసుకుంది. లక్ష్మీ, కల్యాణం, అనుబంధాలు లాంటి సీరియల్స్ లో నటించారు. రియాలిటీ షోస్ కు జడ్జిగారూ వ్యవహరించింది. ఒకవైపు కెరీర్ మ‌రోవైపు ప‌ర్స‌న‌ల్ లైఫ్ స‌జావుగా సాగేలా ప్లాన్ చేసుకుంటూ వచ్చిన మీనాకి జూన్ 28న మీనా జీవితంలో అతిపెద్ద విషాదం చోటు చేసుకుంది. ఆమె భర్త విద్యాసాగర్ అనారోగ్యంతో కన్నుమూశారు.
తక్కువ ప్రాయంలోనే ఆమె తోడును కోల్పోవ‌డంతో మీనా కుమిలిపోయింది. 2009లో మీనా బెంగుళూరుకి చెందిన సాఫ్ట్ వేర్‌ని వివాహం చేసుకోగా, దురదృష్టవశాత్తు విద్యాసాగర్ ఈ ఏడాది ఆమెకు శాశ్వతంగా దూరం అయ్యారు. అయితే మానసిక వేదన నుండి బయటపడేందుకు మీనా కూతురితో పాటు వెకేషన్ కి వెళ్లారు. ఈ టూర్ నుండి తిరిగొచ్చిన మీనామ‌ళ్లీ సినిమాల‌తో బిజీ కానుంద‌ట. ఇప్ప‌టికీ ఒప్పుకున్న ప్రాజెక్ట్స్‌తో పాటు కొత్త సినిమాల‌కి సైన్ చేయ‌నుంద‌ట. మోహన్ లాల్ కి జంటగా దృశ్యం 3లో మీనా నటించనున్నారని సమాచారం . తెలుగు సినిమాల‌లో సైతం న‌టించేందుకు మీనా ఆస‌క్తి చూపుతున్న‌ట్టు తెలుస్తుంది.
