Manisha Koirala : నేపాలి బ్యూటీ మనీషా కోయిరాలా గురించి ప్ర‌త్యేక ప‌రిచ‌యాలు అక్క‌ర్లేదు. `భారతీయుడు`, `ఒకే ఒక్కడు` వంటి చిత్రాలతో సౌత్ ఆడియెన్స్ కి బాగా దగ్గరైన మనీషా కొన్నాళ్ల‌కి క్యాన్సర్‌ బారిన పడింది. ఆ తర్వాత కోలుకుంది. అయితే కోలుకున్న ఆమె రజనీకాంత్‌తో `బాబా` చిత్రంలో నటించిన విషయం తెలిసిందే. ‘బాబా’ సినిమా ఆమె సౌత్ కెరీర్ కు ఫుల్ స్టాప్ పెట్టింది అని చెప్పుకోవచ్చు. సూపర్‌ నేచురల్ యాక్షన్ థ్రిల్లర్‌ గా తెరకెక్కిన ఈ సినిమా ప్రేక్షకులను ఆకట్టుకోలేక డిజాస్టర్ కాగా, ఆ తర్వాత మనీషాకు అవకాశాలు రావడం మానేశాయి.
ఈ క్ర‌మంలో మనీషా కోయిరాలా ర‌జనీకాంత్ వ‌ల్ల‌నే త‌న కెరీర్ నాశ‌నం అయిపోయిందంటూ సంచలన వ్యాఖ్య‌లు చేసింది. `బాబా` నా చివరి చిత్రం, ఆది పరాజయం చెందడంతో నా కెరీర్ ముగిసినట్టే అనుకున్నా. ముందుగా ఊహించినట్టే జరిగింది. ఆ తర్వాత నాకు పెద్దగా అవకాశాలు రాలేదు . బాబా తర్వాత మూడేళ్లకి కమల్‌తో `ముంబయి ఎక్స్ ప్రెస్‌` చేసింది. ఈ సినిమా కూడా పెద్దగా ఆడలేదు. దీంతో సౌత్ నుంచి ఆఫర్లు రాలేదు. ఆల్మోస్ట్ సౌత్‌లో మనీషా కెరీర్ అయిపోయింది. ఇదే విషయాన్ని తాజాగా ఆమె ఇంటర్వ్యూలో వెల్లడించింది.
తమిళంలో నటించిన తొలి చిత్రం `బాంబే` గురించి ప్రత్యేకంగా చెప్పుకొచ్చింది మనీషా. మణిరత్నం దర్శకత్వంలో రూపొందిన ఈ సినిమా 1995లో విడుదలై సంచలన విజయం సాధించగా, ఈ సినిమా గురించి మనీషా చెబుతూ, మొదట ఈ సినిమా చేయకూడదనున్నాను. తల్లి పాత్రలో నటిస్తే కెరీర్ దెబ్బతింటుందని అంతా హెచ్చరించారని, కానీ సినిమాటోగ్రాఫర్‌ అశోక్‌ మెహతా.. మణిరత్నం గురించి, ఆయన సినిమాల గురించి చెప్పారని, ఈ సినిమా వదిలేస్తే నీ అంతా పిచ్చి వాళ్లు ఉండరని తిట్టడంతో తాను ఒప్పుకుంద‌ని చెప్పుకొచ్చింది. ఇప్పుడు అడ‌పాద‌డ‌పా హిందీ సినిమాల‌లో మెరుస్తుంది మనీషా.
