Manchu Vishnu : మంచు విష్ణు ప్లాన్ ఇలా బెడిసి కొట్టిందేంటి.. అడ్డంగా బుక్క‌య్యాడుగా..!

Manchu Vishnu : మంచు వార‌బ్బాయి విష్ణు ఇటీవ‌లి కాలంలో తెగ ట్రోలింగ్‌కి గుర‌వుతున్నాడు. ఆయ‌న చేసే సినిమాలు, పెట్టే పోస్ట్‌లు విష్ణుని మ‌రింత నెగెటివ్ చేస్తున్నాయి. అయితే కొద్ది రోజుల క్రితం మంచు బ్ర‌ద‌ర్స్ విష్ణు, మ‌నోజ్ మ‌ధ్య ఉన్న గొడ‌వ‌ల మీడియా ముఖంగా బ‌య‌ట‌కు వ‌చ్చాయి. అయితే అవ‌న్నీ రియాలిటీ షోలో హౌస్ ఆప్ మంచూస్ రియాలిటీ షోలో భాగ‌మేన‌ని చెబుతూ రెండు రోజుల్లోనే విష్ణు మంచు ఓ టీజ‌ర్‌ను విడుద‌ల చేయ‌డంతో అంద‌రూ షాక‌య్యారు. ఏంటి మంచు ఫ్యామిలీ క‌లిసి మీడియాను వెర్రి వాళ్ల‌ను చేసిందే! అని అంద‌రు అనుకున్నారు.

మ‌రి కొంద‌రు ఈ టీజ‌ర్‌పై అనుమానాలు వ్య‌క్తం చేసిన‌వాళ్లు కూడా లేక‌పోలేదు. షో ప్రమోషన్ కోసం చిన్న ఫ్రాంక్ ప్లే చేశామని జనాలను నమ్మించే ప్రయత్నం చేయ‌గా, ఆయన ప్రయత్నం ఫలించిన దాఖలాలు లేవు. పైగా విష్ణు ఇమేజ్ మరింతగా డ్యామేజ్ అయ్యింది. తప్పును కవర్ చేయబోయి దొరికిపోయాడని, పరువుపోగొట్టుకున్నాడన్న వాదనలు వినిపిస్తున్నాయి. హౌస్ ఆఫ్ మంచూస్ ప్రోమోకి మనోజ్ షేర్ చేసిన వీడియో జోడించి విడుదల చేయగా.. దీనిలో జనాలు అనేక లోపాలు వెతక‌డంతో పాటు కొత్త అనుమానాలు తెరపైకి తెచ్చారు.

ఆ ప్రోమోలో మనోజ్, మంచు లక్ష్మి క‌నిపించ‌లేదు. ఒక వేళ విష్ణు గొడవపడుతున్న వీడియో ఫ్రాంక్ అయితే దాన్ని ప్రొఫెషనల్ కెమెరాతో షూట్ చేసేవారు. ఇక మనోజ్, మంచు లక్ష్మి ఆల్రెడీ సదరు షోతో మాకు సంబంధం లేదని క్లారిటీ ఇచ్చారు కన్నాంబ కాలం నాటి ట్రిక్ ప్లే చేసి విష్ణు అయితే అడ్డంగా దొరికిపోయాడు. మ‌నోజ్ పెట్టిన రెండు పోస్టుల‌ను గ‌మ‌నిస్తే క్లియ‌ర్‌గా గొడ‌వ జ‌రిగిన‌ట్లు తెలుస్తుంది. అలాగే మోహ‌న్‌బాబుకి స‌న్నిహితంగా ఉండే చిట్టిబాబు కూడా గొడ‌వ నిజమేన‌ని చెప్పారు. ఆయ‌న కూడా ఈ వీడియోలోనే ఉన్నారు. అంటే గొడ‌వ‌లు వాస్త‌వం.. హౌస్ ఆఫ్ మంచూస్ వీడియో అబ‌ద్దం అని అంద‌రు భావిస్తున్నారు.