Manchu Manoj : మంచు మోహ‌న్ బాబు న‌ట వార‌సుడు మంచు మనోజ్ కొన్నాళ్లుగా సినిమాల‌కు చాలా దూరంగా ఉన్నారు. గతంలో `అహం బ్రహ్మాస్మి` చిత్రాన్ని ప్రకటించ‌గా, ఇది ఆగిపోయిందని అప్ప‌ట్లో తెలిపారు. అయితే ఆయన ఈ సినిమాని స్టార్ట్ చేయాలనే ఆలోచనలో ఉన్నారట. అలాగే కొత్త సినిమాని కూడా ఆయన ప్రారంభించబోతున్నట్టు తెలుస్తుంది. ఇకపై వరుసగా సినిమాలు చేయాలని భావిస్తుండ‌గా, మ‌రోవైపు వైపు కొత్త జీవితం కూడా ప్రారంభించాల‌ని అనుకుంటున్నాడ‌ట. తాజాగా కడప జిల్లాలో ఫేమస్ అయిన కడప దర్గాను సందర్శించిన ఆయన మంచు మనోజ్ అక్కడ కూడా తన పెళ్లి గురించి పరోక్షంగా కామెంట్స్ చేశారు.
చాలాకాలం నుంచి కడప దర్గా దర్శించుకోవాలని అనుకుంటున్నాననీ తెలిపిన మంచు మనోజ్ తన కుటుంబ సభ్యులు, స్నేహితులు, శ్రేయోభిలాషులు అందరూ ఈ దర్గాకి వచ్చినా తాను ఇక్కడికి రావడానికి ఎందుకో సమయం పట్టిందని ఆ అల్లా ఇప్పుడు తనను ఇక్కడికి పిలిపించుకున్నారని మంచు మనోజ్ పేర్కొన్నారు. అంతేకాక త్వరలోనే తన సినిమాలు ప్రారంభమవుతున్నాయని, అలాగే కొత్త జీవితం కూడా ప్రారంభిస్తున్నామని ఆయన పేర్కొనడంతో త్వరలో మంచు మనోజ్ రెండో వివాహం చేసుకోబోతున్నారనే ప్రచారం జోరందుకుంది.
మంచు మనోజ్ మొదటి భార్య ప్రణతిని 2015లో చేసుకోగా, అనివార్య కార‌ణాల వ‌ల‌న 2019లో విడిపోయారు. అయితే ఇటీవల మాజీ మంత్రి భూమా నాగిరెడ్డి కూతురు భూమా మౌనికా రెడ్డితో సహజీవనం చేస్తున్నట్టు ప్రచారం జరిగింది. వినాయక చవితి సందర్భంగా భూమా కుటుంబానికి చెందిన భూమా మౌనికతో కలిసి కనిపించిన ఆయన కొత్త చర్చకు తావిచ్ఛారు. భూమా మౌనిక గతంలో వేరే వ్యక్తిని వివాహం చేసుకొని విడాకులు తీసుకున్నారు. మంచు మనోజ్ కూడా అలాగే వివాహం చేసుకుని విడాకులు తీసుకున్నారు. త్వరలో ఈ ఇద్ద‌రు రెండో పెళ్లి చేసుకొని కొత్త జీవితం ప్రారంభించాల‌ని అనుకుంటున్న‌ట్టు తెలుస్తుంది.
