Manchu Lakshmi : మంచు మోహ‌న్ బాబు ముద్దుల కూతురు న‌టిగాను, హోస్ట్‌గాను అద‌ర‌గొట్టిన విష‌యం తెలిసిందే. సోషల్ మీడియాలో చాలా చురుకుగా ఉండే మంచు లక్ష్మీ ఒక్కోసారి ఆసక్తికర పోస్ట్‌లు పెడుతూ వార్త‌ల‌లో నిలుస్తూ ఉంటుంది. తాజాగా జీవితంలో సరిదిద్దుకోలేని తప్పులు చేశానని మంచు లక్ష్మి పేర్కింది. తాజాగా తన ఇన్ స్టాగ్రామ్ లో షేర్ చేసిన ఈ పోస్ట్ ప్రస్తుతం సోషల్ మీడియాలో వైరల్ అవుతోంది. “నా జీవితంలో సరిదిద్దు కోలేని తప్పులు చేశాను. అవి ఇప్పుడు నేను మార్చలేను. ఇప్పుడు పూర్తిగా మారి పోయాను. మళ్ళీ ఆ తప్పులు ఎప్పుడు చేయనంటూ తన ఇన్ స్టా స్టోరీలో రాసుకొచ్చింది మంచు లక్ష్మీ. ప్రస్తుతం ఈ పోస్ట్ సోషల్ మీడియాలో వైరల్ గా మారింది.
ఇక మంచు లక్ష్మీ విష‌యానికి వ‌స్తే సినిమాల్లో నటించడంతోపాటు పలు సినిమాలను నిర్మించిన మంచు లక్ష్మీ.. నటిగా, నిర్మాతగా, హోస్ట్ గా మంచి పేరును తెచ్చుకుంది. సోషల్ మీడియాలోనూ ఎప్పుడు యాక్టివ్‌గా ఉంటుంది. చాలా కాలం అమెరికాలో ఉన్న మంచు లక్ష్మి అమెరికన్ టెలివిజన్ షోస్ హోస్ట్ గా వ్యవహరించింది. హాలీవుడ్ చిత్రాల్లో కూడా నటించడం విశేషం. మంచు లక్ష్మి ఇంగ్లీష్ స్కిల్స్ అందుకు ఉపయోగపడ్డాయి. దీంతో టాలీవుడ్ ని దున్నేద్దామని హైదరాబాద్ లో ల్యాండ్ అయిన ఈ అమ్మ‌డికి బ్రదర్స్ మాదిరి మంచు లక్ష్మికి కూడా కాలం కలిసిరాలేదు.
ఇటీవ‌ల సంజు రెడ్డి అనే ఓ వ్యక్తి తన ట్విట్టర్ లో పవన్ కల్యాణ్ ఫొటోతో పాటు మంచి లక్ష్మి ఫోటో షేర్ చేస్తూ.. అక్క స్టిల్స్ కూడా కాపీ కొట్టే కదా అని రాసుకొచ్చాడు. సోషల్ మీడియాలో నెటిజన్స్ ఇలా చేయడం సహజం.. కానీ ఈ ట్వీట్ ను మంచు లక్ష్మీ రీ ట్వీట్ చేసింది. మంచికైనా చెడుకైనా నా చిత్రం పక్కనే పవన్ కళ్యాణ్ ఫొటో పెట్టారని రాసుకొచ్చారు. ఇలా మంచు వార‌మ్మాయి ట్వీట్ చేయడం అంద‌రిని ఆశ్చ‌ర్య‌ప‌రిచింది. ప్రస్తుతం మంచు లక్ష్మీ సినిమాలు అడ‌పాద‌డ‌పా చేస్తూ మ‌రోవైపు హోస్ట్‌గాను అద‌ర‌గొడుతుంది.
