Lasith Malinga : ముంబై ఇండియ‌న్స్‌కి కొత్త కెప్టెన్‌గా వచ్చిన హార్ధిక్ పాండ్యా అప్పటి నుండి నిత్యం వార్త‌ల‌లో నిలుస్తూ వ‌స్తున్నారు. ఆయ‌న ఏం చేసిన క‌లిసి రావ‌డం లేదు. ఆడిన రెండు మ్యాచ్‌లు ఓడిపోయారు. ఇక అతని ఆట తీరు కూడా ఏ మాత్రం బాగుండ‌డం లేదు. రోహిత్ తో పడటం లేదన్న వార్తలు.. వీటి మధ్య తాజాగా బౌలింగ్ కోచ్ మలింగను పక్కకు తోసేసిన వీడియో కూడా తెరపైకి వచ్చింది. ఛాన్స్ దొర‌కాలే కాని హార్ధిక్ పాండ్యాని నెటిజ‌న్స్ బాగానే ట్రోల్ చేస్తున్నారు. . అతడు ఎక్కడ దొరుకుతాడా అని ఎదురు చూసి మరీ ట్రోల్ చేస్తున్నారు. హార్దిక్ చేసే ప్రతి తప్పును వెతికే పనిలో ఉన్నారు.
సన్ రైజర్స్ చేతుల్లో దారుణమైన ఓటమి తర్వాత ముంబై ఇండియన్స్ బౌలింగ్ కోచ్ లసిత్ మలింగతోనూ అతనికి పడటం లేదన్నట్లుగా ఓ వీడియో తెరపైకి వచ్చింది.మ్యాచ్ ముగిసిన తర్వాత తనను హగ్ చేసుకోవడానికి వచ్చిన మలింగను హార్దిక్ పట్టించుకోకుండా పక్కకు తోసేస్తూ వెళ్లిపోయినట్లు ఆ వీడియోలో కనిపిస్తోంది. దీంతో మలింగ కూడా అతనికి దూరంగా వెళ్లిపోయాడు. ఇక మరో వ్యక్తి షేర్ చేసిన వీడియో చూసినా హార్దిక్, మలింగ మధ్య ఏదో గట్టిగానే నడుస్తోందన్నట్లుగా అనిపిస్తుంది. అందులో బ్యాటింగ్ కు సిద్ధమవుతూ హార్దిక్ ప్యాడ్స్ కట్టుకొని రెడీగా ఉన్నాడు.డగౌట్ లో అతని వెనుక ముంబై ఇండియన్స్ కోచ్ లు మలింగ, పొలార్డ్ కుర్చీలపై కూర్చొని ఉన్నారు.
హార్దిక్ ను చూసి పొలార్డ్ లేస్తూ ఇక్కడ కూర్చోవాల్సిందిగా అడిగాడు. కానీ పక్కనే ఉన్న మలింగ అతన్ని వారిస్తూ.. నేను వెళ్లిపోతానంటూ హార్దిక్ కు ముఖం చాటేస్తూ వెళ్లిపోయాడు. ఈ రెండు వీడియోలు సోషల్ మీడియాలో వైరల్ అవుతున్నాయి. ఈ రెండు వీడియోలు చూసిన తర్వాత హార్దిక్ పాండ్యాపై అభిమానులు మరింత మండిపడుతున్నారు. ఇప్పటికే రోహిత్ ను తప్పించి అతనికి కెప్టెన్సీ ఇవ్వడంపై గుర్రుగా ఉన్న వాళ్లకు వరుసగా పాండ్యా చేసే తప్పిదాలు కనిపిస్తున్నాయి.కెప్టెన్ గా హార్దిక్ తీసుకున్నతప్పుడు నిర్ణయాలు, రెండో మ్యాచ్ లో చెత్త బ్యాటింగ్, ఇప్పుడు మలింగతో అనుచిత ప్రవర్తన.. ఇవన్నీ చూసిన ఫ్యాన్స్ హార్దిక్ ను మరింత డిఫెన్స్ లోకి నెట్టేస్తున్నారు. గత రెండు సీజన్లుగా ముంబై ఇండియన్స్ ప్రదర్శన ఆశించిన మేర లేదు. ఈ సీజన్లోనూ వరుసగా రెండు ఓటములతో ప్రారంభించింది.
