Kannada Prabhakar : రెండున్న‌ర ద‌శాబ్దాల క్రింద‌ట ప్ర‌తి ఒక్క‌రి నోళ్ల‌లో నానిన పేరు కన్నడ ప్రభాకర్. కన్నడ రంగానికి చెందినా కూడా తెలుగు సినిమా రంగంలో కూడా ప‌దేళ్ల‌కు పైగా ఎన్నో సినిమాల్లో విల‌న్ పాత్ర‌లు వేసి త‌న‌కంటూ ప్ర‌త్యేక గుర్తింపు తెచ్చుకున్నారు. తెలుగులో జ్వాల , రాక్ష‌సుడు ,ప‌సివాడి ప్రాణం , కొద‌మ‌సింహం ,జ‌గ‌దేక‌వీరుడు అతిలోక సుంద‌రి లాంటి హిట్ సినిమాల్లో ప్రభాకర్ న‌టించాడు. దాపు 450 సినిమాల్లో నటించిన ఆయన 2001 మార్చి 25న కన్నుమూశారు. అయితే ఇటీవల అతని మూడో భార్య అంజు షాకింగ్ కామెంట్స్ చేశారు.
తన కంటే 31 ఏళ్లు పెద్దవాడైన ప్రభాకర్ ను ప్రేమించి పెళ్లి చేసుకున్న ఆమె వివాహం జరిగిన సంవత్సరానికే భర్త వదిలి వెళ్లిపోయింది . దానికి కార‌ణాల‌ని తాజాగా చెప్పుకొచ్చింది. అంజు బాలనటిగా సినీరంగ ప్రవేశం చేసింది. ఆ తర్వాత పలు చిత్రాల్లో హీరోయిన్ గా కూడా అల‌రించింది. అయితే ఆమెకు 17 ఏళ్ల వయసు ఉన్నప్పుడు 48 ఏళ్ల టైగర్ ప్రభాకర్ ను ఇంట్లో వాళ్లను కాదని పెళ్లి చేసుకున్నారు. వీరికి ఓ బాబు అర్జున్ ఉన్నారు. కానీ వీరిద్దరి కేవలం సంవత్సరం మాత్రమే కలిసి ఉన్నారు. అంజు మాట్లాడుతూ.. ” ఉదిరిపూక్కల్ సినిమాతో బాలనటిగా అడుగుపెట్టాను.
నేను సినిమా ఇండస్ట్రీలోకి రావాలని నా తల్లిదండ్రులు ఏనాడు కోరుకోలేదు. కానీ అప్పుడు నాకు అవకాశాలు ఎక్కువగా రావడంతో ఇండస్ట్రీలో కొనసాగాను. బాలనటిగా.. కథానాయికగా దాదాపు 150కి పైగా సినిమాల్లో నటించాను. ఎన్నో చిత్రాల్లో నటించిన నేను కన్నడలో రేంజర్ అనే సినిమాలో అవకాశం వచ్చింది. మొదటి సినిమాతోనే నాకు ప్రభాకర్ పరిచయమయ్యారు. అప్పుడు నా వయసు 17 ఏళ్లు. అతను నన్ను పెళ్లి చేసుకోవాలనుకుంటున్నట్లు చెప్పాడు. ప్రభాకర్ కోసం ఇల్లు వదిలి వెళ్లాను. అప్పటికే కన్నడ ప్రభాకర్‌కు రెండు పెళ్లిళ్లు జరిగాయని, తాను మూడవ దాన్ని అని తెలిసి మోసపోయనన్నారు.
పెళ్లికి ముందు ఈ విషయం చెప్పకుండా..తనను నమ్మక ద్రోహం చేసి పెళ్లి చేసుకున్నారన్నారు అంజు. తనను చాలా నమ్మానని ,తనతో కలిసి ఏడాది ఉన్నాను అని స్ప‌ష్టం చేసింది అంజు . తన గురించి తెలిసి ప్రశ్నించినందుకు నేను చెడ్డదాన్ని అయిపోయాను. తప్పుడు నిర్ణయం తీసుకుని చాలా కుంగిపోయాను. అతడితో ఉండడం ఇష్టం లేక బయటకు వచ్చేశాను. నా దగ్గరున్న బంగారం కూడా తన దగ్గరే వదిలి బయటకు రాగా, ఆ సమయంలో ప్రభాకర్ తో ఓ మాట చెప్పాను. నన్ను చాలా బ్యాడ్ చేశావు. నువ్వు చచ్చినా నీ ముఖం చూడను అని చెప్పి వచ్చేశాను. తను చనిపోయినా కూడా చివ‌రి చూపు చూసేందుకు వెళ్లలేదు అని అంజు పేర్కొంది.
