Kalyaan Dhev : గ‌త కొద్ది రోజులుగా మెగా అల్లుడు కళ్యాణ్ దేవ్ తెగ వార్త‌ల‌లో నిలుస్తున్నాడు. విజేత సినిమాతో ఇండ‌స్ట్రీకి ఎంట్రీ ఇచ్చిన క‌ళ్యాన్ దేవ్.. ఆ త‌ర్వాత వరుస సినిమ‌లు చేస్తూ వెళ్లాడు. కాని అందులో ఒక్క సినిమా కూడా మ‌నోడికి మంచి ఫ‌లితాన్ని ఇవ్వ‌లేదు. అయితే కొంత కాలంగా కళ్యాణ్ దేవ్., శ్రీజ విడాకులు తీసుకున్న‌ట్టు ప్ర‌చారం జ‌రుగుతుంది. వారిద్దికి సంబంధించి ఎన్నో వార్త‌లు హ‌ల్ చ‌ల్ చేస్తున్నా కూడా ఇద్ద‌రిలో ఒక్క‌రు కూడా స్పందించ‌లేదు. ఇంస్టాగ్రామ్ వేదిక తన మనసులోని మాటలు ఇన్‌డైరెక్ట్‌గా పంచుకుంటున్నారు.
తాజాగా కళ్యాణ్ దేవ్ వరుస పోస్ట్స్ కాకరేపుతున్నాయి. ఒకరి సమస్య గురించి మనకు తెలిసింది చాలా తక్కువ. కాబట్టి విషయం తెలియకుండా మాట్లాడకూడదు అని అర్థం వచ్చేలా ఒక పోస్ట్ పెట్టిన ఆయన మ‌రొక పోస్ట్‌లో రెండు రకాల బాధలు ఉంటాయి. వాటిలో మనం ఒకటి ఎంచుకోవాల్సి ఉంటుందని అన్నారు. క్రమశిక్షణ వలన వచ్చే బాధ లేదా విచారం వలన వచ్చే బాధ ఉంటాయి కాబట్టి… ఈ రెంటిలో ఒకటి ఎంచుకోవాలి. మీరు ఏది కోరుకుంటారని ఆయన ప్రశ్నించారు. అయితే శ్రీజాతో ఆయన విడిపోయిన నేపథ్యంలో ఆయన పోస్ట్స్ ప్రాధాన్యత సంతరించుకున్నాయి.
కళ్యాణ్ దేవ్ భార్య శ్రీజాకు దూరంగా ఉంటున్న విషయం తెలిసిందే. అధికారికంగా విడాకులు ప్రకటించనుకున్నప్పటికీ విడిపోయారన్న మాట వాస్తవమేనని, విశ్వసనీయ వర్గాల ద్వారా స‌మాచారం అందుతుంది. ఈ వాదన బలపరిచే విధంగా ప్ర‌స్తుత పరిస్థితులు ఉన్నాయి. శ్రీజ-కళ్యాణ్ దేవ్ కలిసి కనిపించి ఏడాది దాటిపోయింది వీరిద్దరి సోషల్ మీడియా పోస్ట్స్ కూడా వీరి విడాకుల మేటర్ ధృవీకరిస్తున్నాయి. కళ్యాణ్ దేవ్ కూతురు నవిష్క శ్రీజా వద్దే పెరుగుతుంది. ఈ క్రమంలో కూతురుని తలచుకుని కళ్యాణ్ దేవ్ ఎమోషనల్ పోస్ట్స్ పెడుతుండ‌డం చూస్తుంటే వారు విడిపోయార‌నే భావ‌న అంద‌రిలో క‌లుగుతుంది.
