Kakinada Shyamala : సిల్క్ స్మిత.. ఒక‌ప్పుడు తన అంద‌చందాల‌తో ఓ ఊపు ఊపింది. మత్తెక్కించే కళ్లు, తనదైన శైలి హావభావాలతో, గ్లామర్‌తో అప్పట్లో ప్రేక్షకులను తన వైపుకు తిప్పుకుంది సిల్క్ స్మిత. ఆమె చనిపోయి ఇన్నేళ్లు అవుతున్నా.. ఇంకా ఎవ్వరూ మరిచిపోలేదు. ఆమె మ‌ర‌ణం ఓ మిస్ట‌రీగా మారింది. అయితే తాను ఎలా చ‌నిపోయింది అనే విష‌యంపై సీనియర్ నటి కాకినాడ శ్యామల సంచ‌ల‌న వ్యాఖ్య‌లు చేసింది. కాకినాడ శ్యామల.. నటిగా, నిర్మాతగా, ఫైనాన్షియర్గా తెలుగు, తమిళ చిత్రసీమల్లో ఎనలేని గుర్తింపు తెచ్చుకుంది.
‘మరో చరిత్ర’ సినిమాతో సినిమా ఇండస్ట్రీలోకి ఎంట్రీ ఇచ్చిన కాకినాడ శ్యామల తెలుగు, తమిళ భాషల్లో కలిపి దాదాపు రెండొందలకు పైగా సినిమాల్లో నటించింది. ప్రస్తుతం ఆమె సినిమాలకు దూరంగా ఉంటూ వ‌స్తుండ‌గా, చివరగా 2013లో ‘ఆకాశంలో సగం’ సినిమాలో కనిపించింది. తాజాగా శ్యామల ఓ ఇంటర్వూలో సినిమా విశేషాలను, తన పర్సనల్ లైఫ్ గురించి, అలానే సిల్క్ స్మిత మ‌ర‌ణం గురించి కొన్ని విష‌యాలు వెల్లడించింది. ‘ నేను సిల్క్ స్మిత సొంత సినిమాకు డబ్బులిచ్చాను. అయితే ఆ ఫిల్మ్ సరిగ్గా ఆడకపోవడంతో స్మిత అప్పులుపాలైంది. మొత్తం ఆస్తులన్నీ పోగొట్టుకుంది. నిజానికి స్మిత వెండితెరపై వేసే పాత్రలు వేరు.. రియల్‌లో ఆమె వ్యక్తిత్వం వేరు. ఆమె నిజాయితీ గల మనిషి.. అందరికీ అప్పులు తీర్చేసింది’.
స్మిత కెరీర్ త‌ర్వాత కూడా బాగా సాగింది. కానీ అంతలోనే ఆమె చనిపోయిందని వార్త విన్నాను. కొంతమంది ఆమెను హత్య చేశారని అంటే.. మరికొందరు ఆత్మహత్య చేసుకుందని అన్నారు. అసలు ఏం జరిగిందో ఆపైవాడికే తెలియాలి. ఆమె చనిపోవడానికి గల కారణాలు మాత్రం తెలియవు’ అని కాకినాడ శ్యామల అన్నారు. ఈరోజు కాకపోయినా ఏరోజైనా శిక్ష అనేది ఉంటుంది. ఆమె ఎందుకు చ‌నిపోయింద‌నే విష‌యం త‌న‌కు తెలియ‌దు అని కాకినాడ శ్యామల స్ప‌ష్టం చేశారు.
