Jr NTR And Lakshmi Pranathi : టాలీవుడ్ స్టార్ హీరోల‌లో జూనియ‌ర్ ఎన్టీఆర్ ఒక‌రు. ప్ర‌స్తుతం ఆరు వ‌రుస హిట్ల‌తో స్వింగ్‌లో ఉన్నాడు. వ‌రుస‌గా రెండు క్రేజీ పాన్ ఇండియా ప్రాజెక్టుల‌ను లైన్లో పెట్టేశాడు. ముందుగా కొర‌టాల శివ సినిమా ఆ త‌ర్వాత ప్ర‌శాంత్ నీల్ సినిమాలు ఉండ‌గా, ప్ర‌స్తుతం త‌న భార్య లక్ష్మీ ప్ర‌ణ‌తితో క‌లిసి వెకేష‌న్లో ఎంజాయ్ చేస్తున్నాడు. ఇటీవల షూటింగ్‌ల‌కు గ్యాప్ రావ‌డంతో ఎన్టీఆర్ విదేశీ టూర్ల‌కు ఎక్కువుగా చెక్కేస్తున్నాడు. నెల రోజుల పాటు అమెరికాకి వెకేష‌న్ టూర్‌కి వెళ్లినట్టు తెలుస్తుండ‌గా, తాజాగా అమెరికా నుంచి ఎన్టీఆర్ ఓ ఫోటో షేర్ చేశారు. ఇన్‌స్టాగ్రామ్‌లో షేర్ చేసిన ఆ ఫొటోలో శ్రీమతి ప్రణతీతో ఉన్నారు. ఒక రెస్టారెంటులో చాలా మంది మధ్యలో ప్రేమగా కౌగిలించుకున్న ఫోటో కావ‌డంతో ఈ పిక్ నెట్టింట తెగ హ‌ల్‌చ‌ల్ చేస్తుంది.
ఫోటో కొంచెం క్లారిటీగా లేదు గానీ… అందులో ఎన్టీఆర్ ప్రేమ మాత్రం క్లియ‌ర్‌గా కనబడుతోంది. ఎన్టీఆర్ సినిమాల‌తో ఎంత బిజీగా ఉన్న‌ప్ప‌టికీ ఫ్యామిలీకి త‌ప్ప‌క స‌మ‌యం కేటాయిస్తున్నాడు. అప్ప‌ట్లో అంత టూర్స్ అయితే వేసేవాడు కాదు కాని ఈ మ‌ధ్య మాత్రం బాగానే చ‌క్క‌ర్లు కొడుతున్నాడు. ఎన్టీఆర్ – ప్రణతి దంప‌తుల‌కు ఇద్ద‌రు కుమారులు అభయ్ రామ్ – భరత్ రామ్ ఉన్నారు. ఎన్టీఆర్ – లక్ష్మీ ప్రణతి పెళ్లి వెన‌కాల చాలా స్టోరీయే ఉంది. వీరిది పెద్దలు కుదిర్చిన వివాహం కాగా, 2011 మే 5న వివాహబంధంతో భార్య‌భ‌ర్త‌లు అయ్యారు. ప్రణతి ఎవ‌రో కాదు మాజీ ముఖ్య‌మంత్రి, టీడీపీ అధినేత చంద్ర‌బాబు నాయుడు మేన‌కోడలు కుమార్తె.
ఎన్టీఆర్ ఫ్యామిలీ అమెరికా ట్రిప్ నెల రోజులు ఉంటుందని సన్నిహిత వర్గాలు చెబుతున్నాయి. కొత్త ఏడాదికి అక్కడే ఆయన వెల్కమ్ చెప్పనున్నారు. అలాగే, అమెరికాలో క్రిస్మస్ వేడుకలను వీక్షించనున్నాడు. అలాగే మధ్యలో కొంత మంది బంధువులు, ఫ్యామిలీ ఫ్రెండ్స్, అభిమానులను ఎన్టీఆర్ కలిసే అవ‌కాశం కూడా ఉంటుందని స‌మాచారం. ఇటీవల రాజమౌళి చికాగోలో ‘ఆర్ఆర్ఆర్’ ఆస్కార్ నామినేషన్స్ కోసం అమెరికాలో ప్రచారం చేశారు. మరి, ఎన్టీఆర్ టూర్ ప్లానింగులో అటువంటిది ఏమైన ఉందా అని కొంద‌రు అనుమానాలు వ్య‌క్తం చేస్తున్నారు.
