Jogi Naidu : ఝాన్సీని, న‌న్ను క‌లిపేందుకు బ్ర‌హ్మానందం, చిరంజీవి ఎంతో ప్ర‌య‌త్నించారు.. జోగి నాయుడు..

Jogi Naidu : యాంక‌ర్ ఝాన్సీ మాజీ భ‌ర్త‌, టీవీ హోస్ట్ ఎల్.జోగినాయుడ్ని ఆంధ్రప్రదేశ్ ప్రభుత్వం ఇటీవ‌ల ఏపీ క్రియేటివిటీ అండ్ కల్చర్ కమిషన్ క్రియేటివ్ హెడ్‌గా నియమించిన విష‌యం విదిత‌మే. వైసీపీ పార్టీ లో చురుకుగా ఉంటూ.. పార్టీకి చేస్తున్న సేవల్ని గుర్తించిన జగన్ సర్కార్.. జోగి నాయుడుకి ఆ ప‌దివి ఇచ్చింది. అయితే తాజాగా జోగి నాయుడు ఇచ్చిన ఇంట‌ర్వ్యూలో ఆయ‌న త‌న మ‌నోభావాలు పంచుకున్నాడు. యాంకర్ ఝాన్సీని ప్రేమించి పెళ్లి చేసుకున్న జోగినాయుడు.. కూతురు పుట్టిన తరువాత ఆమెతో విడిపోయారు. ఆ తరువాత రెండో పెళ్లి చేసుకున్నారు.

అయితే ఝాన్సీతో తాను కలిసి ఉండటానికి చాలా ప్రయత్నించానని.. అయితే ఆమె ఒప్పుకోకపోవడంతో తనతో పాటు.. తనకి పుట్టిన బిడ్డ కూడా చాలా ఇబ్బందులు పడిందని నాటి విషయాలను చెప్పుకొచ్చారు జోగి నాయుడు. తాను అసిస్టెంట్ డైరెక్టర్ గా ఉన్నప్పుడు ఝాన్సీ కాలేజీ స్టూడెంట్ కాగా, అప్ప‌ట్లో వారిద్దరి పరిచయం ప్రేమగా మారింది. ఆ క్షణాలు మా ఇద్దరి మధ్య ఎంతో మధురమైనవి. వివాహం తర్వాత సినిమాల్లో ఇద్దరికీ మంచి గుర్తింపు రావ‌డంతో గొడ‌వ‌లు స్టార్ట్ అయ్యాయి. 8-9 ఏళ్లు చాలాబాగా కలిసి ఉన్నాం.. మా కెరియర్ మంచి పీక్స్‌లో ఉన్న టైంలో గొడవలు స్టార్ట్ అయ్యాయి. దాంతో విడిపోవ‌ల్సి వ‌చ్చింది. పాప గురించి కలుద్దాం అని చాలా ట్రై చేశాను. కానీ ఇక అది కుదరదని తెలిశాక.. వేరే నిర్ణయం తీసుకోవాల్సి వచ్చింది. దాని నుంచి బయటకు వచ్చేసి కొత్త జీవితం ప్రారంభించడానికి చాలా టైం పట్టింది.

మేమిద్దరం కలిసుండాలని బ్రహ్మానందం గారు ఒక తండ్రి స్థానంలో ఉండి ఎంతో కోరుకున్నారు. మమల్ని కలిపేందుకు ఎంతో ప్రయత్నించారు. చిరంజీవి గారు అయితే మూడు గంటలపాటు మమల్ని కూర్చోబెట్టి మాట్లాడిన కూడా వ‌ర్కౌట్ కాలేదు. మా ఇద్దరి బంధం అంతవరకు మాత్రమే రాసిందేమో అని జోగినాయుడు అన్నారు. మా అమ్మా నాన్నలు బలవంతం చేయడంతో రెండవ వివాహం చేసుకున్నా. నా కుమార్తె ధన్యని చూడలేకపోతున్నానని రోజు భాదపడుతుంటా. రెండవ వివాహంతో దేవుడు నాకు మరో ఇద్దరు కుమార్తెలని ఇవ్వ‌గా వారిలో ధ‌న్య‌ని చూసుకుంటాను. ఏదో ఒక రోజు త‌ను నా ద‌గ్గ‌ర‌కి వ‌స్తుంద‌ని అనుకుంటున్నాను అని జోగినాయుడు అన్నారు.