టాలీవుడ్ మోస్ట్ ఎలిజిబుల్ బ్యాచిల‌ర్స్‌లో శర్వానంద్ కూడా ఒక‌రు. ఆయ‌న సినిమాల క‌న్నా కూడా పెళ్లి వార్త‌ల‌తో హాట్ టాపిక్ అవుతూనే ఉంటాడు.ఇటీవ‌ల అన్‌స్టాప‌బుల్ షోలో కూడా శర్వానంద్ పెళ్లి ప్ర‌స్తావ‌న రాగా, దానికి స్పందిస్తూ ప్ర‌భాస్ పెళ్లి త‌ర్వాత చేసుకుంటాన‌ని అన్నాడు. అయితే ఎట్ట‌కేల‌కు శర్వానంద్ ఓ ఇంటివాడు కాబోతున్నాడు. శర్వానంద్ పెళ్లిచేసుకోబోయే అమ్మాయి పేరు రక్షిత రెడ్డి. ఈమె తెలంగాణ హైకోర్టు న్యాయవాది మధుసూదన్ రెడ్డి కుమార్తె అట. అంతేకాదు, చిత్తూరు (ప్రస్తుతం తిరుపతి) జిల్లాకు చెందిన తెలుగుదేశం పార్టీ నాయకుడు.. శ్రీకాళహస్తి నుంచి నాలుగు సార్లు ఎమ్మెల్యేగా గెలిచిన దివంగత బొజ్జల గోపాలకృష్ణా రెడ్డి మనవరాలని సమాచారం.
క్షిత రెడ్డి తండ్రి మధుసూదన్ రెడ్డి సోదరుడు గంగారెడ్డి.. బొజ్జల గోపాలకృష్ణారెడ్డి అల్లుడు. ఆ విధంగా రక్షిత రెడ్డి.. గోపాలకృష్ణారెడ్డికి మనవరాలు అయ్యిందన్న మాట. త్వరలోనే రక్షిత రెడ్డిని శర్వానంద్ పెళ్లాడబోతున్నారట. ఈనెల 26న సాఫ్ట్‌వేర్ ఇంజినీర్ రక్షితా రెడ్డితో శర్వానంద్‌కు ఎంగేజ్‌మెంట్ జరగనున్నట్లు తెలుస్తోంది. రక్షిత అమెరికాలో సాఫ్ట్‌వేర్ ఉద్యోగం చేసింద‌ని, ప్రస్తుతం హైదరాబాద్‌లో ఉంటుందని దగ్గరి వారు చెబుతున్నారు. ఆమె సోషల్ మీడియాకు చాలా దూరంగా ఉంటుందట. శర్వా ఆమెని ఒక స్నేహితుడి ద్వారా కలిశాడట. అనంతరం ఆలోచనలు, అభిరుచులు కలవడంతో పెళ్లి చేసుకోవాలని నిర్ణయించుకున్నారట.
ఇద్ద‌రి అభిప్రాయాలు ఒక్క‌టి కావ‌డంతో పెద్ద‌లు కూడా వీరి పెళ్లి జ‌రిపేందుకు గ్రీన్ సిగ్న‌ల్ ఇచ్చిన‌ట్టు తెలుస్తుంది. త్వరలోనే పెళ్లి కూడా శర్వా చేసుకోనున్నాడ‌ని టాక్. ఇక శర్వానంద్ కెరీర్ విషయానికి వస్తే.. చివరగా ‘ఒకే ఒక జీవితం’ లో నటించాడు. రీతూ వర్మ హీరోయిన్‌గా నటించింది. శ్రీ కార్తిక్ దర్శకత్వం వహించాడు. ఈ చిత్రం విమర్శకుల ప్రశంసలు పొందినప్పటికీ వసూళ్లను మాత్రం రాబట్టలేకపోయింది. ప్రస్తుతం మంచి క‌థ‌ల‌పై దృష్టి సారిస్తున్నాడు. నిజానికి ‘మహానుభావుడు’ తరవాత మళ్లీ ఆ స్థాయి విజయం శర్వానంద్‌కు దక్కలేదు.
