టాలీవుడ్ సూపర్ స్టార్ కృష్ణ తెలుగు సినిమా చ‌రిత్ర‌లో త‌న‌దైన ముద్ర వేసుకున్నారు. ఇటీవ‌ల అనారోగ్యంతో ఆయన క‌న్నుమూసారు. భౌతికంగా దూరమైనా ఇంకా ఆ విషాదం నుంచి కుటుంబ సభ్యులు కోలుకోలేకపోతున్నారు. అభిమానులకు సైతం ఆ జ్ఞాపకాలు గుర్తొస్తే మనసు బరువెక్కుతోంది. తీవ్ర అనారోగ్యంతో కాంటినెంటల్ ఆస్పత్రిలో చేరిన సూపర్ స్టార్ కృష్ణ.. చికిత్స పొందుతూ నవంబర్ 15, 2022వ తేదీన తుదిశ్వాస విడిచిన విషయం తెలిసిందే. తెలుగు చలన చిత్ర పరిశ్రమలో సంచలనాలకు కేరాఫ్ అయిన కృష్ణ మృతితో యావత్ సినీ ఇండస్ట్రీ శోకసంద్రంలో ముగినిపోయింది.
కృష్ణ మృతి ఆయన కుటుంబ సభ్యులనే కాదు.. ప్రపంచ వ్యాప్తంగా ఉన్న ఆయన అభిమానులకు తీరని శోకం మిగిల్చింది. ఇప్పటికీ ఆయన లేని విషయాన్ని జీర్ణించుకోలేకపోతున్నారు కుటుంబ సభ్యులు, అభిమానులు. తాజాగా కృష్ణ‌కి సంబంధించిన ఓ వార్త నెట్టింట వైరల్ అవుతుంది.అప్పట్లో గుర్రపు సీన్లు చేయాలంటే తప్పనిసరిగా హీరో గుర్రం ఎక్కి సవారీ చేయాల్సిందే.గుర్రం సీన్స్ చేయాలంటే అప్పట్లో అంద‌రు బెదిరిపోయేవారు. ఏదైనా గుర్రం సీన్లు చేయాలంటే గుర్రం వారికి అలవాటు పడితే దాదాపు ఆ గుర్రాన్ని ఆ హీరోకి మాత్రమే వాడేవారట. ఒక గుర్రం కృష్ణకు చాలా చనువైందట.
అప్పట్లో పులి గోవింద అనే వ్యక్తి సినిమాలో షూటింగ్లకు గుర్రాలను సప్లై చేసేవారు. అతని దగ్గర ఉన్న లక్ష్మీ అనే గుర్రాన్ని మాత్రమే కృష్ణ సినిమాల్లో వాడేవారని, ఒకవేళ వేరే హీరో సినిమా షూటింగ్ కు ఈ గుర్రం ఇవ్వాల్సి వస్తే కృష్ణ గారిని అడిగి ఓకే చెబితేనే ఇచ్చేవారని సమాచారం. అప్పట్లో ఈ గుర్రాన్ని కృష్ణ గారి గుర్రం అని పిలిచేవారని సమాచారం. గుర్రం సీన్స్ వెన‌క ఇంత క‌హానీ ఉందని ఈ స్టోరీ చ‌దివితేనే తెలుస్తుంది.
