టాలీవుడ్ సినీ ఇండస్ట్రీలో పవర్ స్టార్ పవన్ కళ్యాణ్ అంటేనే అభిమానులకు విపరీతమైన క్రేజ్. ఆయన నటించిన సినిమాల్ని రీరిలీజ్ చేసుకుని మరీ చూస్తున్నారంటే వాళ్ల అభిమానం ఏ రేంజ్ లో ఉందో అర్థం చేసుకోవచ్చు. అలాంటి హీరోకి క్రేజీ డైరెక్టర్ దొరికితే ఆ సినిమాపై కూడా ఓ రేంజ్ లో ఇంట్రెస్ట్ క్రియేట్ అవుతుంది. పవన్ కళ్యాణ్, కరుణాకరన్ ల కాంబోలో వచ్చిన తొలిప్రేమ మూవీ సూపర్ హిట్ గా నిలిచింది. ఈ సినిమా ఎప్పటికీ ఎవర్ గ్రీన్ గా నిలిచిపోయింది. ఈ సినిమా వచ్చి 22ఏళ్లు అయినా పవన్ అభిమానుల్లో ఓ యూనిక్ క్రేజ్ ఉంది. ఈ సినిమా తర్వాత వీరి కాంబోలో బాలు సినిమా వచ్చింది.
ఈ సినిమా కూడా మంచి హిట్ ను అందుకుంది. ఓ బ్యూటీఫుల్ లవ్ స్టోరీతో వచ్చిన ఈ సినిమా అందర్ని ఆకట్టుకుంది. ముఖ్యంగా ఈ సినిమాలో బాలుని ఫ్లాష్ బ్యాక్ లో ప్రేమించిన ఇందిరా ప్రియదర్శిని క్యారెక్టర్ చాలా అమాయకంగా, భయపడుతూనే, తన వాళ్ల కోసం ధైర్యంగా ఉండే అమ్మాయిగా నటించింది నేహా ఒబెరాయ్. క్యూట్ మాటలతో, చూపులతో బాలును లవ్ చేస్తూ.. ఇందిరా పాత్ర చనిపోయినప్పుడు ప్రతి ఒక్కరూ ఎమోషనల్ అయ్యారు. మరి ఈ పాత్రలో నటించిన నేహా ఒబెరాయ్ ఎవరంటే.. బాలీవుడ్ లో నిర్మాత అయిన ధరమ్ ఒబెరాయ్ కూతురు.
బాలు సినిమా తర్వాత జగపతిబాబు నటించిన బ్రహ్మాస్త్రం సినిమాలో యాక్ట్ చేసింది. కానీ ఆ సినిమా అంతగా హిట్ అవ్వలేదు. తర్వాత బాలీవుడ్ లో పలు సినిమాల్లో నటించింది. 2010 లో ఓ బిజినెస్ మ్యాన్ ను పెళ్లి చేసుకున్నారు నేహా ఒబెరాయ్. ఆమె ప్రజంట్ అయితే నోయిడాలోని ఇంటర్నేషనల్ ఫిల్మ్ అండ్ టెలివిజన్ క్లబ్ ఆఫ్ ఏషియన్ అకాడమీ ఆఫ్ ఫిల్మ్ అండ్ టెలివిజన్ కు మెంబర్ గా వర్క్ చేస్తున్నారు. మరి నేహా ఒబెరాయ్ సెకండ్ ఇన్నింగ్స్ ఇచ్చేందుకు సిద్ధంగా ఉందా.. లేదా అనేది తెలియాలి.
