Green Gram : ప్ర‌స్తుత త‌రుణంలో చాలా మంది వివిధ ర‌కాల వ్యాధులతో బాధ‌ప‌డుతున్నారు. వంశ పారంప‌ర్యంగా వ‌స్తున్న వ్యాధులు కొన్ని అయితే.. జీవ‌న విధానం స‌రిగ్గా లేక‌పోవ‌డం వ‌ల్ల వ‌స్తున్న వ్యాధులు కొన్ని ఉంటున్నాయి. వ్యాధి అనేది ఎలా వ‌చ్చినా స‌రే అందుకు మ‌నం మూల్యం చెల్లించుకోవాల్సిందే. అయితే ఇలా వ్యాధులు రాకుండా ఉండేందుకు రోజూ వ్యాయామం చేయ‌డం ఎంత అవ‌స‌ర‌మో.. అన్ని పోష‌కాలు క‌లిగిన ఆహారాల‌ను తీసుకోవ‌డం కూడా అంతే అవ‌స‌రం. ఇక అన్ని పోష‌కాలు క‌లిగిన ఆహారాల విష‌యానికి వ‌స్తే.. ఆ జాబితాలో పెస‌లు మొద‌టి స్థానంలో ఉంటాయ‌ని చెప్ప‌వ‌చ్చు. ఎందుకంటే మ‌న శ‌రీరానికి కావ‌ల్సిన దాదాపు అన్ని పోష‌కాలు పెస‌ల‌లో ఉంటాయి. క‌నుక పెస‌ల‌ను రోజువారీ ఆహారంలో భాగం చేసుకోవాలి.
పెస‌ల‌ను రోజూ నీటిలో నాన‌బెట్టి ఆ త‌రువాత వాటిని మొల‌కెత్తించి తిన‌వ‌చ్చు. లేదా నీటిలో నానిన అనంతరం ఉడ‌క‌బెట్టి తిన‌వ‌చ్చు. ఎలా తిన్నా స‌రే.. రోజుకు ఒక క‌ప్పు మోతాదులో వీటిని తింటే ఎన్నో లాభాల‌ను పొంద‌వ‌చ్చు. పెస‌ల‌ను రోజూ తిన‌డం వ‌ల్ల శ‌రీరంలోని కొవ్వు క‌రుగుతుంది. కొలెస్ట్రాల్ స్థాయిలు త‌గ్గుతాయి. దీంతో హార్ట్ ఎటాక్‌లు రాకుండా ఉంటాయి. అలాగే అధిక బ‌రువు త‌గ్గుతారు. బ‌రువు త‌గ్గాల‌ని చూస్తున్న వారికి పెస‌లు మంచి ఆహారం అని చెప్ప‌వ‌చ్చు. వీటిని తిన‌డం వ‌ల్ల శ‌రీరానికి ఫైబ‌ర్ పుష్క‌లంగా ల‌భిస్తుంది. దీంతో జీర్ణ‌వ్య‌వ‌స్థ ప‌నితీరు మెరుగు ప‌డుతుంది. గ్యాస్‌, అసిడిటీ, అజీర్ణం, మ‌ల‌బ‌ద్ద‌కం వంటివి త‌గ్గుతాయి. ఇక పెస‌ల‌ను తింటే హైబీపీ కూడా నియంత్ర‌ణ‌లోకి వ‌స్తుంది. షుగ‌ర్‌, థైరాయిడ్‌ను అదుపులో ఉంచుకోవ‌చ్చు.
పెస‌ల‌ను తిన‌డం వ‌ల్ల కండ‌రాల ప‌నితీరు మెరుగు ప‌డుతుంది. పెస‌ల‌లో ప్రోటీన్లు అధికంగా ఉంటాయి. క‌నుక శ‌రీరానికి శ‌క్తి ల‌భిస్తుంది. రోజంతా ఉత్సాహంగా ఉంటారు. కండ‌రాల క‌ణ‌జాలం మ‌ర‌మ్మ‌త్తుల‌కు గుర‌వుతుంది. దీంతో శ‌రీరం దృఢంగా మారుతుంది. జిమ్ చేసేవారికి పెస‌లు చ‌క్క‌ని ఆహారం అని చెప్ప‌వ‌చ్చు. వీటిని రోజూ తిన‌డం వ‌ల్ల ఐర‌న్ స‌మృద్ధిగా ల‌భిస్తుంది. దీంతో ర‌క్తం అధికంగా త‌యార‌వుతుంది. ర‌క్త‌హీన‌త నుంచి బ‌య‌ట ప‌డ‌వ‌చ్చు. ఇలా పెస‌ల‌తో ఎన్నో లాభాలు ఉంటాయి. క‌నుక రోజూ వీటిని తినండి. దీంతో అన్ని విధాలుగా ఆరోగ్యంగా ఉండ‌వ‌చ్చు.
