Poorna : మ‌త్తెక్కించే అందాల‌తో కుర్ర‌కారు మ‌తులు పోగొట్టే అందాల ముద్దుగుమ్మ పూర్ణ. టాలీవుడ్ లోకి ‘శ్రీ మహాలక్ష్మి’ చిత్రంతో ఎంట్రీ ఇచ్చిన అందాల ముద్దుగుమ్మకి సీమటపాకాయ్ చిత్రం పూర్ణకి టాలీవుడ్ లో మంచి క్రేజ్ తెచ్చిపెట్టింది. అనంత‌రం అవును, అవును 2, రాజుగారి గది లాంటి చిత్రాల్లో పూర్ణ మెరిసింది. క్రమంగా పూర్ణకు అవకాశాలు తగ్గుతూ వచ్చాయి. దాంతో పూర్ణ ప్రత్యామ్నాయం ఎంచుకుంది. బుల్లితెర‌పై జ‌డ్జిగా అల‌రిస్తూ సినిమాల‌లో స‌పోర్టింగ్ క్యారెక్టర్స్ పోషిస్తూ వ‌చ్చింది. ఇటీవ‌ల అఖండ చిత్రంతో అద‌ర‌గొట్టింది పూర్ణ.
సోషల్ మీడియాలో యాక్టివ్ గా ఉండే పూర్ణ తరచుగా తన గ్లామరస్ ఫోటోస్ షేర్ చేస్తూ ఉంటుంది. తనలో గ్లామర్ పదును ఇంకా తగ్గలేదని ఎప్పటికప్పుడు నిరూపిస్తూనే ఉంది. ఇటీవ‌ల తాజాగా పూర్ణ అలియాస్ సామ్నా కాసీం దుబాయ్‌కు చెందిన జేబీఎస్ గ్రూప్ ఆఫ్ కంపెనీస్ ఫౌండర్, సీఈఓ షానిద్ ఆసిఫ్ అలీ ఎంగేజ్‌మెంట్ చేసుకుని ఫ్యాన్స్‌కు షాక్ ఇచ్చింది. దీపావ‌ళి సంద‌ర్భంగా త‌మ పెళ్లి ఫొటోలు కూడా షేర్ చేసింది. నిరాడంబరంగా జరిగిన ఈ వేడుకకు కేవలం ఇరు కుటుంబాల పెద్దలు, బంధువులు మాత్రమే హాజరయ్యారు. ఈ వివాహం ముస్లిం పద్దతిలో జరిగింది.
కొన్ని అనివార్య కారణాల వల్ల ఫ్యామిలీ మెంబర్స్ మధ్యలోనే పెళ్లి చేసుకున్నామని త్వరలోనే ఫ్రెండ్స్ కు కేరళలో బిగ్ పార్టీ ఇస్తామని చెప్పింది .ఇక పూర్ణకి తన పెళ్లిలో ఆమె భ‌ర్త దాదాపు 1700 గ్రాముల బంగారం గిఫ్టుగా ఇచ్చారట . ఒక లగ్జరీ హౌస్ ని తన పేరు మీద మ్యారేజ్ గిఫ్ట్ గా కూడా ఇచ్చిన‌ట్టు స‌మాచారం. మొత్తానికి పూర్ణ లేట్ అయిన కూడా మంచి కోటీశ్వ‌రుడినే ప‌ట్టింద‌ని కొంద‌రు కామెంట్స్ చేస్తున్నారు. ప్ర‌స్తుతం పూర్ణ పెళ్లికి సంబంధించిన పిక్స్ నెట్టింట హ‌ల్‌చ‌ల్ చేస్తున్నాయి. కాగా, పూర్ణ పెళ్లిలో ఆమె పట్టుచీర కట్టుకుని రాణిలా దర్శనమిచ్చింది. అలాగే, షానిద్ కూడా షెర్వాణీలో మెరిసిపోతున్నాడు.
