Dil Raju : టాలీవుడ్ స్టార్ ప్రొడ్యూస‌ర్స్ లో దిల్ రాజు ఒక‌రు. ఆయ‌న ఎన్నో సూప‌ర్ హిట్ చిత్రాలు నిర్మించి మంచి విజ‌యాలు అందుకున్నారు. చివ‌రిగా బ‌ల‌గంతో హిట్ అందుకున్న దిల్ రాజు శాకుంత‌లంతో నిరాశ‌ప‌రిచాడు. నా 25 ఏళ్ల కెరీర్లో శాకుంతలం ఊహించని పరిణామం అంటూ ఫెయిల్యూర్ పై నేరుగా మాట్లాడారు. అయితే దిల్ రాజు స్టార్ హీరోలు అయిన ఎన్టీఆర్, ప్రభాస్ లతో సినిమా చేసి చాలా కాలం అవుతుంది. ప్రభాస్ తో మిస్టర్ పర్ఫెక్ట్, ఎన్టీఆర్ తో రామయ్య వస్తావయ్యా చేసిన దిల్ రాజు ఈ మ‌ధ్య కాలంలో మ‌ళ్లీ సినిమా చేయ‌లేదు. దీంతో ఆయ‌న క్లారిటీ ఇచ్చారు.
ఎన్టీఆర్, ప్రభాస్ లతో ఎప్పుడు సినిమాలు చేస్తున్నారని అడగ్గా… ప్రభాస్-ప్రశాంత్ నీల్ ప్రాజెక్ట్ ఒకటి నిర్మిస్తున్నాను. దాదాపు ఇది ఫైనల్ అయ్యింది. అలాగే ఎన్టీఆర్ తో ఒక మూవీకి ఒప్పందం చేసుకున్నాను. ఇది కూడా ఖచ్చితంగా ఉంటుంద అని చెప్పుకొచ్చారు.. అలాగే పవన్ కళ్యాణ్ తో మరొక చిత్రం చేయబోతున్నాను… అంటూ దిల్ రాజు చెప్పుకొచ్చారు. ఈ వార్త విని స్టార్ హీరోల అభిమానులు ఫుల్ ఖుష్ అవుతున్నారు. మ‌రోవైపు ఈ మూవీకి సంబంధించి లెక్క‌ల విష‌యంలో చ‌ర్చ న‌డుస్తుంది.
మూడు ప్రాజెక్ట్స్ ఫైనల్ అయితే దిల్ రాజు దాదాపు రూ. వెయ్యి కోట్లు పెట్టుబడి పెడుతున్నట్లు లెక్క. ఎన్టీఆర్, ప్రభాస్ పాన్ ఇండియా చిత్రాలు చేస్తున్నారు. యావరేజ్ బడ్జెట్ రూ. 300 కోట్లకి పైగా ఉంటుంది. పవన్ మూవీ కూడా ఓ రెండు వందల కోట్లకు తక్కువ ఉండదు. మ‌రి వీటితో దిల్ రాజు ఇంకెంత వెన‌కేసుకుంటాడో చూడాలి. ప్ర‌స్తుతం రామ్ చరణ్ తో చేస్తున్న గేమ్ ఛేంజర్ భారీ ప్రాజెక్ట్ చేస్తున్నాడు. దర్శకుడు శంకర్ చాలా ఉన్నతంగా తెరకెక్కిస్తున్నారు. సాంగ్స్, ఫైట్స్ కాంప్రమైజ్ కాకుండా రూపొందిస్తున్నారు. దిల్ రాజు బ్యానర్లో 50వ చిత్రంగా గేమ్ ఛేంజర్ తెరకెక్కుతుంది.
