టాలీవుడ్ ప్ర‌ముఖ నిర్మాత‌ల‌లో దిల్ రాజు ఒకరు. ఒక‌ప్పుడు డిస్ట్రిబ్యూట‌ర్‌గా ఉన్న దిల్ రాజు ఇప్పుడు నిర్మాత‌గా మారి వ‌రుస సినిమాలు చేస్తున్నాడు. రీసెంట్ గా దిల్ రాజు తమిళ స్టార్ హీరో విజయ్ తో వారసుడు అనే చిత్రాన్ని నిర్మించిన సంగతి తెలిసిందే. జనవరి 14న సంక్రాంతి కానుకగా ఈ చిత్రం ప్రేక్షకుల ముందుకు రాగా, ఈ చిత్రం మంచి విజ‌యమే సాధించింది. అయితే ఈ సినిమా ప్ర‌మోష‌న్స్‌లో భాగంగా దిల్ రాజు పలు ప్రచార కార్యక్రమాల్లో పాల్గొంటున్నారు. ఈ క్ర‌మంలో తన కెరీర్‌తో పాటు ప‌ర్స‌న‌ల్ విష‌యాలు కూడా షేర్ చేసుకుంటున్నాడు. రీసెంట్ గా ఇంటర్వ్యూలో దిల్ రాజు తన రెండవ పెళ్లి గురించి రివీల్ చేశారు.
దిల్ రాజు మొదటి భార్య అనిత 2017లో మరణించ‌గా, ఆ తర్వాత రెండేళ్ల పాటు ఒంటరిగా ఉన్న దిల్ రాజు 2020లో తేజస్వినిని వివాహం చేసుకున్నాడు. అయితే మొదటి భార్య మ‌ర‌ణం తర్వాత దిల్ రాజు చాలా బాధ‌లు అనుభ‌వించాడు. నా భార్య మరణించినప్పుడు రెండేళ్లు స్ట్రగుల్ అయ్యా. జీవింతంలో ముందుకి వెళ్ళాలనిపించినప్పుడు రెండు మూడు ఆప్షన్స్ కూడా కనిపించాయి. నాకు కూడా ఒక తోడు ఉంటే బావుంటుంది అనిపించింది. ఆ సమయంలో తేజస్వినితో పరిచయం జరిగింది. ఆమె ఫోన్ నంబర్ తీసుకొని ఏడాది పాటు తేజస్వినిని గమనించా. ఆ తర్వాత నేనే ఆమెకి ప్రపోజ్ చేశాను. ఇంట్లోవాళ్ళు కూడా మా వివాహానికి అంగీకరించారు. ప్రస్తుతం మాకు ఒక బాబు కూడా ఉన్నాడు అంటూ దిల్ రాజు లవ్ స్టోరీ రివీల్ చేశారు.
మొత్తానికి దిల్ రాజు తన రెండో భార్య‌తోను చ‌క్క‌ని వైవాహికి జీవితం కొన‌సాగిస్తుండగా, మ‌రోవైపు కెరీర్‌లోను దూసుకుపోతున్నాడు. దిల్ రాజు ప్రస్తుతం పలు భారీ బ‌డ్జెట్ చిత్రాలు నిర్మిస్తున్నారు. మెగా పవర్ స్టార్ రాంచరణ్ హీరోగా శంకర్ దర్శకత్వంలో ఓ పాన్ ఇండియా చిత్రాన్ని నిర్మిస్తున్నారు. ఈ చిత్రం ఈ చిత్రం రిలీజ్ కానుంది. ఇవే కాక పలు పెద్ద సినిమాలు కూడా ఇప్పుడు ఆయన ఖాతాలో ఉన్నాయి. అయితే దిల్ రాజుకి స‌క్సెస్ ఫుల్ నిర్మాత‌గా పేరు ఉంది. ఇటీవ‌ల పెద్ద‌గా స‌క్సెస్‌లు చ‌విచూడడం లేదు. భారీ హిట్ కోసం ఎంతో ఆస‌క్తిగా ఎదురు చూస్తున్నారు.
