Dasara Movie : నేచుర‌ల్ స్టార్ నాని రా క‌థ‌తో సినిమాలు చేసిన‌వి చాలా త‌క్కువ. తొలి సారి దసరా అనే సినిమా చేశాడు. ఈ చిత్రాన్ని డైరెక్టర్ ఓదెల దర్శకత్వ వహిస్తూ ఉన్నారు. ఈ చిత్రం సింగరేణి నేపథ్యంలో తెరకెక్కించడం జరిగింది. ఈ సినిమా పాన్ ఇండియా లెవెల్లో ఈ నెల 30వ తేదీన విడుదల చేయబోతున్నారు. ఇందులో నాని సరసన కీర్తి సురేష్ నటించిన ఈ క్రమంలోనే గత కొద్ది రోజులుగా ఈ సినిమా ప్రమోషన్స్ ను కూడా శరవేగంగా జ‌రుపుతున్నారు. నాని ఈ చిత్రంలో మాస్ లుక్ లో కనిపించబోతున్నారు వీర్లపాలెం అనే గ్రామం చుట్టూ ఈ సినిమా కథ తిరుగుతున్నట్లు తెలుస్తుంది.
పాన్ ఇండియా లెవల్ లో దసరా సినిమాను విడుదల చేయనున్నారు. ప్రస్తుతం మూవీ టీమ్ ప్రమోషన్స్ లో ఫుల్ బిజీగా ఉంది. దేశంలోని ప్రధాన నగరాల్లో మూవీ టీమ్ ప్రమోషన్స్ లో చిత్ర బృందం పాల్గొంటుంది. . అయితే ఈ సినిమాకు సంబంధించి విడుదల చేసిన పోస్టర్స్ లో అలనాటి అందాల తార సిల్క్ స్మిత ఫోటో కూడా కనిపిస్తుంది. అంతే కాకుండా ఓ పాటలోనూ సిల్క్ స్మిత ఫోటోలు క‌నిపిస్తుండ‌డంతో, ఆమెకు ఈ సినిమాకు ఉన్న సంబంధం ఏంటా అని ఆరా తీయడం ప్రారంభించారు నెటిజన్స్. దీనిపై రీసెంట్‌గా చిత్ర ద‌ర్శ‌కుడు శ్రీకాంత్ ఓదెల పై క్లారిటీ ఇచ్చారు.
తన చిన్నతనంలో వాళ్ల తాతయ్యకు ఓసారి కాలికి దెబ్బ తగిలినపుడు ఆయన కొంత కాలం ఇంట్లోనే ఉన్నారని, అప్పుడు ఏదైనా కావాలి అంటే తననే బయటకు పంపించేవారని చెప్పారు శ్రీకాంత్. అలా తాను కల్లు దుకాణం వద్దకు వెళ్లి తన తాత కోసం కల్లు తెచ్చేవాడినని ఆయన పేర్కొన్నారు. ఆ స‌మ‌యంలో మొదటి సారి కల్లు దుకాణం వద్ద సిల్క్ స్మిత ఫోటో చూశానని , అప్పటినుంచి తన ఫోటో అలా మైండ్ లో ఉండిపోయిందని చెప్పారు. తర్వాత ఆమె నటించిన సినిమాలు, సినిమాల పట్ల ఆమెకు ఉన్నపాషన్ చూసి , ఆ టైమ్ లో అలా ఉండటానికి చాలా ఘట్స్ ఉండాలని అనిపించిందని చెప్పారు. అప్పటి నుంచి ఆమెపై అభిమానం అలా పెరుగుతూనే ఉందని పేర్కొన్నారు. ఆమెపై ఉన్న అభిమానాన్ని ఇలా ఈ సినిమా ద్వారా చాటుకున్నానని తెలిపారు శ్రీకాంత్. అందుకే ఈ సినిమాలో చాలా చోట్ల సిల్క్ స్మిత ఫోటోలు కనిపిస్తాయని తెలిపారు.
