Daksha Nagarkar : స‌మంత నుండి విడిపోయిన త‌ర్వాత నాగ చైతన్య పేరు ఎక్కువ‌గా వార్త‌ల‌లో నిలుస్తూ వ‌స్తుంది. ఆయన రెండో పెళ్లి చేసుకోబోతున్నాడ‌ని, శోభిత‌తో డేటింగ్ చేస్తున్నాడ‌ని, త్వ‌ర‌లో ఆమెని వివాహం కూడా చేసుకోబోతున్నాడ‌ని జోరుగా ప్రచారం సాగింది. అయితే తాజాగా నాగ చైతన్య ప్ర‌వ‌ర్త‌న ప‌ట్ల ఆయన వ్యక్తిత్వం ప‌ట్ల ఓ హీరోయిన్ ఆస‌క్తిక‌ర కామెంట్స్ చేసింది. మాస్ మహారాజ్ రవితేజ నటించిన రావణాసుర చిత్రం శుక్రవారం రోజు ప్రేక్షకుల ముందుకు రానుండ‌గా, సుధీర్ వర్మ దర్శకత్వంలో తెరకెక్కిన ఈ క్రైమ్ థ్రిల్లర్ చిత్రంలో యంగ్ బ్యూటీ దక్ష నగార్కర్ కూడా ఒక ముఖ్య‌మైన పాత్రలో నటించింది.
దక్ష నగార్కర్ బంగార్రాజు చిత్రంలో కొన్ని సన్నివేశాల్లో మెర‌వ‌గా, ఈ అమ్మడి అందానికి సోషల్ మీడియాలో నెటిజన్లు ఫిదా అయ్యారు. ఘాటైన పరువాలతో గ్లామర్ హద్దులు పెట్టుకోకుండా దక్ష చెలరేగిపోతోంది. ఇప్పుడు ఈ యంగ్ బ్యూటీ తన ఆశలన్నీ రావణాసురపై పెట్టుకుంది. అయితే దక్ష నగార్కర్ తాజా ఇంటర్వ్యూలో నాగ చైతన్య గురించి చేసిన వ్యాఖ్యలు వైరల్ అవుతున్నాయి. ఇటీవల నాగ చైతన్య పర్సనల్ లైఫ్ గురించి అనేక వార్తలు వస్తున్న నేప‌థ్యంలో దక్ష …నాగ చైతన్య వ్యక్తిత్వంపై చేసిన వ్యాఖ్యలు వైరల్ అవుతున్నాయి.
బంగార్రాజు చిత్రంలో నాగ చైతన్యతో కలసి నటించాను. ఆ చిత్రంలో మా ఇద్దరి మధ్య ముద్దు సన్నివేశం ఉంది. అప్పుడు నాగ చైతన్య ఆడవారికి ఎంత గౌరవం ఇస్తారో ప్రత్యక్షంగా చూశాను. ముద్దు సన్నివేశం పూర్తయ్యాక చైతు నాకు సారీ చెప్పారు. వాస్తవానికి అది ఒక సన్నివేశం మాత్రమే. ఆయన సారీ చెప్పాల్సిన అవసరం లేదు. ఆయన నిజమైన జెంటిల్ మాన్ అని చెప్పడానికి ఈ ఒక్క ఉదాహరణ చాలు అంటూ ప్ర‌శంస‌లు కురిపించింది.. తోటి నటీనటులపై శ్రద్ద చూపే వ్యక్తిత్వం నాగ చైతన్యది. బంగార్రాజులో నాగ చైతన్యతో కలసి నటించే అవకాశం రావడం నా అదృష్టం అంటూ దక్ష.. చైతూని ప్రశంసలతో ముంచెత్తింది.
