Chandrababu : తెలుగుదేశం పార్టీ అధినేత, మాజీ ముఖ్యమంత్రి నారా చంద్రబాబు నాయుడు స్కిల్ డెవలప్మెంట్ కుంభకోణం లో అరెస్ట్ కావ‌డం సంచ‌ల‌నంగా మారింది. అరెస్ట్ జరిగిన గంటల వ్యవధిలో బయట పడిపోతారని భావించిన వారి నమ్మకాలు క్రమంగా సడలిపోతున్నాయి. సుదీర్ఘ రాజకీయ జీవితంలో చంద్రబాబు జోలికి వెళ్లడానికి ఏ వ్యవస్థలు సందేహించాయో ఆ పరిస్థితి ఇప్పుడు కనిపించడం లేదు. ఎన్ని ఆరోపణలు, విచారణలు జరిగినా వాటి నుంచి సురక్షితంగా బయటకొచ్చేసిన చంద్రబాబు 73ఏళ్ల వయసులో స్కిల్ డెవలప్మెంట్ కేసులో జైలుకు వెళ్లాల్సి వచ్చింది. ఏసీబీ ప్రత్యేక కోర్టు ఆదేశాలతో బాబును రాజమండ్రి సెంట్రల్ జైలుకు తరలించారు. ఆదివారం అర్ధరాత్రి ఒంటి గంట సమయంలో చంద్రబాబు జైల్లోకి వెళ్లారు.
చంద్ర బాబు నాయుడు గతంలో ముఖ్యమంత్రి హోదాలో పనిచేశారు. కాబట్టి ఆయనకున్న ఇన్‌ఫ్లూయన్స్, లీగల్ నాలెడ్జ్ ద్వారా ఆయనకి త్వరగా బెయిల్ వస్తుందని అందరూ అనుకున్నారు. ఒక రకంగా చెప్పాలంటే కింద కోర్టులో ఆయనని అరెస్టు చేసిన తీరు ప్రకారమో, ఆయన వయసు రీత్యానో ఆయనకు బెయిల్ ఇవ్వాలి. కాని ఈడీ కూడా విచారిస్తున్న ఈ కేసులో బెయిల్ రావ‌డం క‌ష్ట‌మే అనిపిస్తుంది. ఒక ఐదారు నెల‌లు ఆయన జైలులోనే ఉంటార‌ని అంటున్నారు. ఇప్పుడు వరకు ఆయనని ఈ రకంగా విచారించకపోయినా తాజాగా కస్టోడియల్ ఇన్వెస్టిగేషన్ చేయబోతున్నారని తెలుస్తుంది. కస్టోడియల్ ఇన్వెస్టిగేషన్ అంటే విచారించడం కోసం కస్టడీలో ఉంచడం అని అర్థం. అయితే ఈ కస్టోడియల్ ఇన్వెస్టిగేషన్ కు అనుమతిస్తే మళ్లీ రెండు రకాలుగా ఉంటుంది. ఒకటి బెయిల్ ఇచ్చి ఆయన ఇంటి వద్దకే వెళ్లి విచారించమనడం. రెండవది విచారణకు ఆయననే తిరిగి రమ్మనడం.
ఒకవేళ బెయిల్ ఇచ్చేస్తే ఆ తర్వాత వీళ్ళు హైకోర్టుకు వెళ్తారు, లేదంటే సుప్రీంకోర్టు వరకూ కూడా వెళ్లే అవ‌కాశం ఉంది.. అయితే సుప్రీంకోర్టు గాని, హైకోర్టు గాని ఈ విషయంలో ఒకటే చెప్తుందని అనుకుంటున్నారు. అదేంటంటే ఈడి కూడా విచారిస్తున్న ఈ కేసులో క్రింద నిందితులు అందర్నీ అరెస్టు చేయడం జరిగింది. ఈ సందర్భంలో ప్రధాన నిందితుడిని ఎలా వదిలిపెడతారు అంటూ గతంలో చిదంబరం కేసునో లేదంటే జగన్మోహన్ రెడ్డి కేసునో ఉదాహరణగా చూపిస్తారు . ఫైనాన్షియల్ క్రైమ్ అనేది తీవ్రమైన నేరం. కాబట్టి ఇదే నేరంలో గతంలో అరెస్టు అయిన లాలు ప్రసాద్ యాదవ్ విషయంలో గాని, స్టాలిన్ మంత్రి వర్గంలో ఉన్నటువంటి కనిమోలి విషయంలో గాని ఇచ్చిన జడ్జిమెంట్ నే రిపీట్ చేస్తారని అంటున్నారు.
