Harsha Sai : హర్ష సాయి.. సోష‌ల్ మీడియాలో యాక్టివ్‌గా ఉండే వారికి ఈ పేరు గురించి పెద్ద‌గా ప‌రిచ‌యం అక్క‌ర్లేదు. యూట్యూబ్‌లో ఆయన చేసే వీడియోలకు ప్రత్యేకమైన ఫ్యాన్ బేస్ ఉంది. పేదలకు భారీ స్థాయిలు డబ్బులను విరాళంగా ఇస్తూ హర్ష సాయి మంచి పేరు తెచ్చుకున్నారు. టిక్ టాక్‌ ద్వారా ప్రేక్షకులకు పరిచయమైన హర్ష సాయి ఆ తర్వాత క్రమేనా యూట్యూబర్‌గా మారి.. యువతలో మంచి క్రేజ్ తెచ్చుకున్నారు. ఇప్పుడు ఏకంగా హీరోగా మారిపోయారు. ‘మెగా – లో డాన్’ అనే మూవీతో ప్రేక్షకుల ముందు వస్తున్నాడు. ఇప్పటికే యూట్యూబ్‌లో విడుదలైన ఈ మూవీ టైటిల్ టీజర్‌కు మంచి స్పందన వస్తోంది. అంచనాలను కూడా పెంచేస్తోంది.
టైటిల్ టీజర్ ప్రారంభోత్సవంలో భాగంగా హర్షసాయి తన స్పీచ్‌తో హర్షసాయి అద‌ర‌గొట్టాడు. తాను ఈ సినిమా ఫంక్షన్ కి రావడం కోసం హోటల్ నుంచి బయటకు వస్తూ ఉండగా ఒక వ్యక్తి తనని పలకరించారు. నేను మీ అభిమానిని మీరు సినిమా చేస్తున్నారు కదా ఆ సినిమాలో మీరు ఎలా ఉంటారో చూడవచ్చా అని అడగడంతో తనకు నేను ఈ టీజర్ చూపించాను. ఇలా చూసినటువంటి ఆ వ్యక్తి చాలా బాగుంది.అయినా మీరు సినిమాలలో ఎందుకు నటిస్తున్నారు మీకేంటి అవసరమని నన్ను ప్రశ్నించారు. ఆ వ్యక్తికి చెప్పిన సమాధానమే ఇక్కడ కూడా చెప్పాలనుకుంటున్నాను అంటూ ఈయన మాట్లాడారు.
అతనికి నేను ఇచ్చిన సమాధానాన్ని మీకు కూడా వేదికపై చెప్పాలని అనుకుంటున్నా’’ అని హర్షసాయి వెల్లడించారు. ‘‘మీరు చిన్నప్పుడు చదువుకున్న పాఠాలు గుర్తున్నాయా?’’ అని ప్రేక్షకులను అడిగారు. ఇందుకు ప్రేక్షకులు.. గుర్తులేవని సమాధానం ఇచ్చారు. ‘‘మరి దాహంతో ఉన్న కాకి కథ?’’ అని హర్ష అడిగారు. ఇందుకు ప్రేక్షకులు గుర్తుందని తెలిపారు. ‘‘మనకు పాఠాలు సరిగ్గా గుర్తుండవు. కానీ, కథలు, మంచి సినిమాలు ఎప్పటికీ గుర్తుండిపోతాయి. అందుకే, నేను సినిమాలను ఎంచుకోవాలని అనుకున్నాను. అలాగే, ఒకాయన.. సినిమాలు తీసుకుంటూ పోతే.. డబ్బులు వస్తూనే ఉంటాయని అన్నారు. ఎవరికైనా ఇవ్వాలంటే మనకు డబ్బు కూడా అవసరమే కదా.. అందుకే సినిమాలు చేస్తున్నా’’ అని హర్షసాయి పేర్కొన్నారు. ఇక టీజర్ విష‌యానికి వ‌స్తే.. మొదటి సినిమాలోనే ఆయన భుజాలపై చాలా భారాన్ని వేసుకుంటున్నారేమో అనే ఫీలింగ్ కలగకమానదు. విజువల్‌గా ఈ మూవీ చాలా రిచ్‌గా ఉంది. హర్ష సాయి బేస్ వాయిస్‌తో చెబుతున్న డైలాగులు కూడా బాగానే ఉన్నాయి. కథలో కూడా ఏదో కొత్తదనం ఉన్నట్లు డైలాగులు, సీన్స్‌ను బట్టి అర్థమవుతోంది.
