Car Driver : నిమిషాల్లోనే కోటీశ్వ‌రుడైన కారు డ్రైవ‌ర్.. బ్యాంకు ఖాతాలో రూ.9 వేల కోట్లు జమ..

Car Driver : ఒక్కోసారి కొంద‌రు చేసే త‌ప్పుల వ‌లన పెద్ద మూల్యం చెల్లించుకోవ‌ల్సి ఉంటుంది. ఓ బ్యాంకు చేసిన త‌ప్పిందం వ‌ల‌న ఓ కారు డ్రైవర్‌ ఒక్కసారిగా కోటీశ్వరుడై పోయాడు. తన బ్యాంకు ఖాతాలో వంద, వెయ్యి కాదు ఏకంగా రూ.9 వేల కోట్లు జమవ్వడంతో అత‌ను ఆశ్చ‌ర్యానికి గుర‌య్యాడు. ఇది నిజ‌మో కాదో తెలిసేందుకు త‌న తన స్నేహితుడికి ఖాతాకు రూ.21 వేలు ట్రాన్స్‌ఫర్‌ చేశాడు. సెకన్లలో ఆ డబ్బు ట్రాన్స్ ఫర్ అయ్యింది. అంతే.. కనీసం వెయ్యి రూపాయలు కూడా లేని తన బ్యాంకు అకౌంట్‌లో అంత పెద్దమొత్తంలో డబ్బు వచ్చిపడటంతో అత‌డి ఆనందానికి అవ‌ధులు లేకుండా పోయింది. అయితే సెక‌న్ల వ్య‌వ‌ధిలో బ్యాంకు యాజ‌మాన్యం ఇచ్చిన ట్విస్ట్‌కి అత‌డికి నిరాశ ఎదురైంది.

తమిళనాడులోని పళని నేయకరపట్టికి చెందిన రాజ్ కుమార్ ట్యాక్సీ డ్రైవర్ గా పని చేస్తున్నాడు. అద్దె కారుకు డ్రైవర్ గా పని చేస్తున్న రాజ్‌కుమార్ మద్యాహ్నం బోజనం చేసిన తరువాత అతను నడుపుతున్న కారులో నిద్రిస్తున్నాడు. తమిళనాడు మర్కంటైల్ బ్యాంక్ నుంచి మధ్యాహ్నం 3 గంటల సమయంలో రూ. 9, 000 కోట్లు రాజ్ కుమార్ బ్యాంకు ఖాతా లో జమ అయినట్లు ఓ మెసేజ్ రావ‌డం తోషాక్ అయ్యాడు. రాజ్‌కుమార్‌ మొదట తనపై ఎవరో చిలిపిగా జోక్ చేస్తూ మెసేజ్ పంపి ఉంటార‌ని అనుకున్నారు. నగదు డిపాజిట్‌ను క్రాస్ చెక్ చేసేందుకు రాజ్ కుమార్ అతని ఖాతాలో డబ్బు మరోసారి క్రాస్ చెక్ చేశాడు.

రాజ్‌కుమార్ అతని స్నేహితుడికి రూ. 21 వేలు పంపేందుకు ప్రయత్నించాడు. స‌క్సెస్ అయింది. తన బ్యాంకు ఖాతాలో కేవలం 105 రూపాయలే ఉండగా ఇంత పెద్ద మొత్తం ఎలా వచ్చాయా? అని సందేహించాడు. స్నేహితుడికి పంపిన తర్వాత తన బ్యాంకు ఖాతాలో 9 వేల కోట్ల రూపాయలు చేరడం నిజమేనని భావించి సంబరపడుతున్న స‌మ‌యంలో తమిళనాడు మర్కంటైల్ బ్యాంక్ మెయిన్‌ బ్రాంచ్‌ ఉన్న తూత్తుకుడి నుంచి రాజ్‌కుమార్‌కు ఫోన్ వచ్చింది. ఓ పొరపాటు వల్ల అతని బ్యాంకు ఖాతాలో రూ.9,000 కోట్లు జమ అయ్యాయని వారు తెలిపారు. ఆ డబ్బును ఖర్చు చేయవద్దని బ్యాంకు యాజమాన్యం కోరింది. అంతేకాకుండా తన స్నేహితుడికి పంపిన నగదును కూడా తిరిగి చెల్లించాలని బ్యాంకు యాజమన్యం సూచించింది. తమిళనాడు మెర్కెంటైల్ బ్యాంక్ పొరపాటు వల్ల లావాదేవీ జరిగిందని ఈ మేరకు స్పష్టం చేసింది.