Bhola Shankar : ఈ వ‌య‌స్సులోను కుర్ర హీరోల‌కి పోటీగా సినిమాలు చేస్తూ పోతున్నారు మెగాస్టార్ చిరంజీవి. ఆయ‌న చివ‌రిగా వాల్తేరు వీరయ్య‌తో ప్రేక్ష‌కుల‌ని ప‌ల‌క‌రించారు. ఈ చిత్రం పెద్ద హిట్ అయింది. ఇక చిరు న‌టించిన భోళా శంకర్ కోసం అభిమానులు ఎంతో ఆసక్తిగా ఎదురుచూస్తున్నారు అని చెప్పవచ్చు. భారీ స్థాయిలో రూపొందుతున్న ఈ మెగా భారీ యాక్షన్ ఎంటర్టైనర్ సినిమాన మెహర్ రమేష్ తెరకెక్కిస్తున్నాడు. ఇక క్రియేటివ్ కమర్షియల్స్తో కలిసి అనిల్ సుంకర యొక్క ఎకె ఎంటర్టైన్మెంట్స్ నిర్మిస్తున్నారు. సినిమాలో తమన్నా భాటియా కథానాయికగా నటిస్తుండగా కీర్తి సురేష్ చిరంజీవి సోదరిగా నటించింది. ఇక సుశాంత్ చాలా ప్రత్యేకమైన లవర్ బాయ్ పాత్రలో కనిపించనున్నాడు.
తాజాగా ‘భోళా శంకర్’ సినిమా విడుదల తేదిని అధికారికంగా ప్రకటించారు. ఈ చిత్రాన్ని ప్రపంచ వ్యాప్తంగా ఆగష్టు 11న విడుదల చేస్తున్నట్టు ఉగాది సందర్భంగా ప్రకటించారు. తమన్నా, కీర్తి సురేష్ సోఫాలో కూర్చొగా.. వెనకగా కొండంత అండగా ఉన్న చిరంజీవి ఫోటోతో కూడిన పోస్టర్‌ను విడుదల చేసారు. ఈ పోస్టర్ సోషల్ మీడియాలో వైరల్ అవుతుండ‌గా, దీనిపై కొందరు యాంటీ ఫ్యాన్స్ విమ‌ర్శ‌లు చేస్తున్నారు. అయితే ఫొటోలో కీర్తిసురేష్‌ బ్లూ కలర్‌ పట్టు చీరలో మెరిసింది. మెడలో బంగారు అభరణాలు ధరించింది. మరోవైపు తమన్నా పింక్‌ డ్రెస్‌లో ఆకట్టుకుంటుంది. వెనకాల గ్రీన్‌ కలర్‌ షర్ట్ ధరించి కూల్‌ గ్లాసెస్‌ పెట్టుకుని స్టయిల్‌గా నిల్చున్నాడు చిరజీవి.
కొందరు నెటిజన్లు దీన్ని షాపింగ్ మాల్ యాడ్‌గా మార్చి ట్రోల్స్ చేస్తున్నారు. కొత్త పోస్టర్ `సీఎంఆర్‌` షాపింగ్ మాల్ యాడ్‌లా ఉందని, మరికొందరు చందనా బ్రదర్స్ సిల్క్ సెంటర్‌లా ఉందని పోస్టర్ల డిజైన్‌ మార్చి సోషల్ మీడియాలో పోస్ట్ చేస్తూ రచ్చ రచ్చ చేస్తున్నారు. షాపింగ్ మాల్స్ కి యాడ్‌ చేస్తున్నట్టుగా, ప్రమోటర్‌గా ఉన్నారని కాస్త వెట‌కారంగా కామెంట్స్ చేస్తున్నారు. మ‌రి దీనిపై చిత్ర బృందం ఏమైన స్పందిస్తుందా లేదా అనేది చూడాలి.
