Balakrishna : స‌మీర్ అన్న మాట‌ల‌కు బాల‌య్య ఎలా న‌వ్వారో చూడండి..!

Balakrishna : నందమూరి బాలకృష్ణ, బోయపాటి శ్రీను కలయికలో వచ్చిన రెండో మూవీ ‘లెజెండ్’. సరిగ్గా పదేళ్ల క్రితం 2014 మార్చి 28న విడుదలైన ఈ సినిమా ఇటీవ‌ల‌ దశాబ్దాం పూర్తి చేసుకుంది. ఈ సందర్భంగా చిత్ర యూనిట్ ప్రత్యేకంగా సెలబ్రేట్ చేసుకున్నారు. అంతేకాదు అప్పట్లో లెజెండ్ సినిమా ఘన విజయం తెలుగు దేశం పార్టీ ఎన్నికల్లో గెలుపుకు ఓ ఊపు తీసుకొచ్చింది. సింహా తర్వాత సరైన సక్సెస్‌లేని బాలయ్యకు మళ్లీ లెజెండ్ మూవీతో మళ్లీ పవర్‌ఫుల్ కమ్ బ్యాక్ ఇచ్చాడు. ఈ మూవీ పదేళ్లు పూర్తి చేసుకోవడంతో హైదరాబాద్ లో మూవీ యూనిట్ ప్రత్యేకంగా సెలబ్రేషన్స్ నిర్వహించారు.

ఈ సందర్భంగా దర్శకుడు బోయపాటి శ్రీను మాట్లాడుతూ, టాలీవుడ్ లో రియల్ లెజెండ్ ఒక్కప్పటి స్టార్ నటులు విశ్వవిఖ్యాత నందమూరి తారకరామారావు గారు అని అన్నారు. అందుకే ఆయనని స్మరిస్తూ ఈ మూవీ ప్రారంభంలో చూపించడం జరిగిందన్నారు. ఇక ఈ సినిమా కోసం బాలకృష్ణ గారితో పాటు టీమ్ మొత్తం కూడా ఎంతో కష్టపడి పని చేసారని, అందుకే బాలయ్య ఫ్యాన్స్, ఆడియన్స్ నుండి మూవీకి విశేషమైన రెస్పాన్స్ లభించిందని, ప్రస్తుతం ఈ మూవీ సక్సెస్ఫుల్ గా పదేళ్లు పూర్తి చేసుకోవడం ఎంతో ఆనందంగా ఉందన్నారు. ఇక పై తమ కాంబినేషన్ లో రానున్న సినిమాలకు మరింత శ్రద్ద, దీక్షతో పని చేస్తాం అని, బాలయ్యతో మరిన్ని సినిమాలు చేయాలనేది తన ఆలోచన అన్నారు బోయపాటి.

నటుడు సమీర్ ‘లెజెండ్’ సినిమా విజయోత్సవ వేడుకలో పాల్గొన్నారు. ఈ సందర్భంగా ఆయన మాట్లాడుతూ, తనకు ఎన్టీఆర్ తో నటించాలన్న కోరిక ఉండేదని, అయితే, అది నెరవేరలేదని తెలిపారు. అయితే, బాలకృష్ణతో నటించడంతో ఆ లోటు తీరిపోయిందని అన్నారు. తాను ఇప్పటివరకు మూడు చిత్రాల్లో బాలయ్యతో నటించానని, ఆయనతో నాలుగో చిత్రం కూడా చేస్తున్నానని, ఆ సినిమా ఫ్యాన్స్ కు పండగేనని చెప్పారు. ఇక, ‘సింహా’ సినిమా సమయంలో దర్శకుడు బోయపాటితో ఆసక్తికర సంభాషణ జరిగిందని సమీర్ తెలిపారు. ఈ సినిమాలో బాలయ్యను పూర్తిస్థాయిలో చూపించారని, లెజెండ్ లో ఇంకేమి చూపగలరని బోయపాటిని అడిగానని చెప్పారు. అందుకు బోయపాటి, ‘సింహా’లో ఒక్కటే సింహం ఉంటుందని, ‘లెజెండ్’ పది సింహాల పెట్టు అని చెప్పారని సమీర్ గుర్తు చేసుకున్నారు.అయితే స‌మీర్, బాల‌య్య‌లు ఈవెంట్‌లో చేసిన సంద‌డి ప్ర‌త్యేక ఆక‌ర్ష‌ణ‌గా నిలిచింది.