Arya Movie : ప్ర‌స్తుతం పాన్ ఇండియా స్టార్‌గా ఓ వెలుగు వెలిగిపోతున్న అల్లు అర్జున్‌కి ఆర్య సినిమా కెరీర్ టర్నింగ్ పాయింట్ అనే విష‌యం తెలిసిందే. రెండు భాగాలుగా ఆర్య చిత్రాన్ని తెర‌కెక్కించ‌గా, ఫ‌స్ట్ పార్ట్ భారీ విజ‌యం సాధించింది. గంగోత్రి తర్వాత 96 కథలు విని రిజెక్ట్ చేసిన బన్నీ ఎట్ట‌కేల‌కు సుకుమార్ చెప్పిన ఆర్య సినిమా కథలో నటించడానికి మాత్రం వెంటనే ఓకే చెప్పారు. దిల్ షూట్ సమయంలో వినాయక్ దగ్గర పని చేసిన సుకుమార్ చెప్పిన ఆర్య కథ దిల్ రాజుకు ఎంతగానో నచ్చింది. దిల్ సినిమా సక్సెస్ సాధిస్తే సుకుమార్ కు డైరెక్షన్ ఛాన్స్ ఇస్తానని దిల్ రాజు హామీ ఇచ్చారు. అయితే ఆర్య సినిమా కమర్షియల్ గా సక్సెస్ కాదని భావించిన దిల్ రాజు ఆ తర్వాత ఓకే చేశారు
ఆర్య సినిమాకి హీరో కోసం వెతికే ప‌నిలో మొద‌ట‌గా ర‌వితేజ, నితిన్, ప్ర‌భాస్ ల‌కు క‌థ‌ను వినిపించాడ‌ట సుక్కూ. కానీ ఆ ముగ్గురు కూడా ఈ సినిమా క‌థ‌ను రిజెక్ట్ చేశారు. ఆ త‌ర‌వాత కొత్త‌వాళ్ల‌తో చేస్తే బాగుంటుందేమోన‌ని అనుకున్నాడ‌ట. ఇక అప్పుడే గంగోత్రితో అల్లు అర్జ‌న్ హీరోగా ప‌రిచ‌యం అయ్యాడు. అల్లు అర్జున్ ను చూసిన సుకుమార్ త‌న కథలో బ‌న్నీనే హీరో అనుకుని దిల్ రాజుకు చెప్పడం జ‌రిగింది. అప్పుడు దిల్ రాజు వెంటనే బ‌న్నీని ఆఫీస్ కు పిలిచి సుకుమార్ చేత కథ వినిపించాడ‌ట.
దిల్ రాజు మాది డిఫ‌రెంట్ కథ నీకు క‌చ్చితంగా న‌చ్చుతుంద‌ని చెప్ప‌డంతో స‌రేన‌ని కథ విన్నాడ‌ట బన్నీ. కథ న‌చ్చ‌డంతో అల్లు అర‌వింద్ కు కూడా క‌థ‌ను వినిపించారు. ఆ త‌ర‌వాత కొన్ని మార్పులు చేర్పుల‌తో ఆర్య సినిమాను ప‌ట్టాలెక్కించారు. ఇక ఈ సినిమా సక్సెస్ తో సుకుమార్ క్రేజీ ద‌ర్శ‌కుడిగా మారాడు. అల్లు అర్జున్‌కి కూడా మంచి పేరు వ‌చ్చింది. కిట్ కాట్ యాడ్ మోడల్ అను మెహతా హీరోయిన్ గా, న‌టించ‌గా, మ్యూజిక్ డైరెక్టర్ గా దేవిశ్రీ ప్రసాద్ ఒకే. తమిళ ఛాయాగ్రాహకుడు రత్నవేలు కెమెరామెన్ గా పెట్టాడు. ఇక టైటిల్ గా పెట్టిన ఆర్య అర్ధం ఏంటంటే మొదటివాడు అని అర్ధం. ఈ సినిమా కోసం బన్నీ లుక్స్ అన్నీ మార్చేశాడు. 2003 నవంబర్ లో అన్నపూర్ణ స్టూడియోలో మెగాస్టార్ క్లాప్ కొత్తగా, పవన్ స్విచ్ఛాన్ చేయడంతో షూటింగ్ స్టార్ట్ చేశారు.
