Anant Ambani Watch Price : అనంత్ అంబానీ ధ‌రించిన వాచ్ ఖ‌రీదు ఎంతో తెలిస్తే.. షాక‌వ్వ‌డం ఖాయం..!

Anant Ambani Watch Price : భారతదేశంతో పాటు ఆసియాలోనే అత్యంత సంపన్నుల్లో ప్రముఖలైన ముఖేష్ అంబానీ చిన్న కుమారుడు అనంత్ అంబాని కొద్ది రోజులుగా వార్త‌ల‌లో నిలుస్తున్న విష‌యం తెలిసిందే. అనంత్. రాధిక మర్చంట్ ని వివాహం చేసుకోనుండ‌గా, వీరి ప్రీ వెడ్డింగ్ వేడుక పూర్తయ్యింది. మార్చి 1వ తేదీ నుంచి 3వ తేదీ వరకు గుజరాత్‌లోని జామ్ నగర్‌లో ఏర్పాటు చేసిన ఈ వేడుకకు ప్రపంచ వ్యాప్తంగా ప్రముఖులను ఆహ్వానించారు. వీరిలో ఫేస్‌బుక్ అధినేత జుకర్ బర్గ్ కూడా ఉన్నారు. తను కుటుంబంతో కలిసి ఈ వేడుకలో పాల్గొన్నారు. అయితే ఈ వేడుకకు సంబంధించి ఓ వీడియో సోషల్ మీడియాలో హల్ చల్ చేస్తోంది.

వీడియోలో జుకర్‌బర్గ్, తన భార్య అనంత్ అంబానీ చేతి మణికట్టుపై ఉన్న వాచ్‌‌ని చూసి కాంప్లీమెంట్స్ ఇచ్చారు. దీంతో కోట్లాది రూపాయల విలువైన ఈ వాచ్ గురించి అంతటా చర్చ ప్రారంభమైంది. రిచర్డ్ మిల్లె బ్రాండ్ నుంచి వచ్చిన ఈ స్విస్ వాచ్ సగటు ధర రెండు మిలియన్ డాలర్లు అంటే దాదాపు.180 కోట్లు. కోట్ల రూపాయల ధర పలికే ఈ వాచ్ లో ఉన్న ప్రత్యేకతలు తెలిస్తే అంద‌రు ముక్కున వేలేసుకుంటారు. రిచర్డ్ మిల్లె బ్రాండ్‌ను ఫ్రెంచ్ వ్యాపారవేత్త 1999లో స్థాపించారు. దీని Rm52-05 మ్యానువల్ వైండింగ్ టూర్ బిల్లాన్ ఫారెల్ విలియమ్స్ 49.94Mm మోడల్ ధర దాదాపు రూ.37.71 కోట్లు.

ఇక అనంత్ అంబాని, రాధిక‌ల ప్రీ వెడ్డింగ్ వేడుకల కోసం ఘనంగా ఏర్పాట్లు చేశారు. ప్రపంచ నలుమూలల నుంచి అతిరథ మహారథులు తరలిరాగా.. వారి కోసం 2500 రకాల వంటకాలతో భోజనం వడ్డించారు. మైక్రోసాఫ్ట్ కోఫౌండర్ బిల్ గేట్స్, మెటా చీఫ్ మార్క్ జుకర్‌బర్గ్, ఇవాంకా ట్రంప్ సహా దిగ్గజ క్రికెటర్లు సచిన్ టెండుల్కర్, మహేంద్ర సింగ్ ధోనీ, బాలీవుడ్ ప్రముఖులు షారుక్, సల్మాన్, ఆమిర్ ఖాన్ సహా ఇంకెందరో హాజరయ్యారు. ఇతర అతిథుల్లానే అనంత్ అంబానీ ప్రీ వెడ్డింగ్ వేడుకలకు ఒక సాధారణ వ్యక్తిలా హాజరయ్యారు ముకేశ్ అంబానీ సొంత సోదరుడు అనిల్ ధీరూబాయ్ అంబానీ.