Amani : ఒకప్పుడు స్టార్ హీరోయిన్ గా వెలిగి ఇప్పుడు క్యారెక్టరర్టిస్ట్ లుగా రాణిస్తున్న హీరోయిన్స్ చాలా మంది ఉండ‌గా, ఆ లిస్ట్ లో ఆమని త‌ప్ప‌క ఉంటారు. అప్పట్లో ఆమనీకి ఫుల్ క్రేజ్ ఉంది. స్టార్ హీరోల సినిమాల్లో నటించి మెప్పించారు. ఫ్యామిలీ ఎంటటైనర్ మూవీస్ లో ఆమని ఆకట్టుకున్నారు. ప్ర‌స్తుతం ఈ సీనియర్ హీరోయిన్ క్యారెక్టర్ ఆర్టిస్ట్ గా సినిమాలు చేస్తతూ అల‌రిస్తుంది. అమ్మ, వదిన పాత్రల్లో నటిస్తూ అలరిస్తున్నారు ఆమని. తాజాగా ఒక ఇంటర్వ్యూలో పాల్గొన్న ఆమని ఆసక్తికర విషయాలను పంచుకున్నారు. తమిళంలో ఓ ఐదారు సినిమాల్లో నటించిన తరవాత ‘జంబలకిడి పంబ’ సినిమాతో తెలుగు ప్రేక్షకులకు పరిచయమైంది.
ఆమని తెలుగులో చేసిన త‌న తొలిసినిమాతో మగరాయుడు లాంటి క్యారెక్టర్ చేశారు. మగాళ్లపై ఆడవాళ్లదే పైచేయి ఉండాలని భావించే మనస్తత్వం ఉన్న అమ్మాయిలా అద్భుత‌మైన ప‌ర్‌ఫార్మెన్స్ ఇచ్చింది. అయితే సినిమాలో హీరో నరేష్‌ను పెళ్లాడిన తరవాత ఒక పాట ప్రారంభంలో బీర్ బాటిల్ మూత స్టైల్‌గా ఓపెన్ చేసి పొంగుతున్న బీర్ సీసాను నోట్లో పెట్టుకుంటారు ఆమని. ఈ సీన్ ఆమె రియల్‌గా చేశారట. ఆమెకు రియల్ బీరే ఇచ్చార‌నే విషయాన్ని ఆమని తాజాగా ఓ ఇంటర్వ్యూలో వెల్లడించారు.
‘‘ఇందులో మందుకొట్టే సీన్ ఉంది, సిగరెట్ కాల్చే సీన్ ఉంది అని డైరెక్టర్ నాకు ముందు చెప్పలేదు. షూటింగ్ స్పాట్‌కు వెళ్లినప్పుడు ఈ ఒక్క షాట్ చేయమ్మా అన్నారు. సిగరెట్ కూడా డైరెక్ట్‌గా కాల్చాలి. ఆ స్మోక్ బయటికి స్టైల్‌గా వదలాలి. నేను ఒక అరగంట ప్రాక్టీస్ చేసి అవన్నీ చేశాను అని ఆమని చెప్పారు. బాటిల్ లో కూల్ డ్రింక్ వేసి ఇస్తారేమో అనుకున్నా. కానీ.. రియల్ బీర్ ఇచ్చారు. బాటిల్ ఓపెన్ చేస్తే బయటికి పొంగుతుంది.. అప్పుడు నువ్వు సిప్ చేయాలన్నారు. ఒకే షాట్ అన్నారు డైరెక్టర్. అప్పుడు హీరో నరేష్ కూడా ఏం కాదమ్మా.. తాగు అని ఎంకరేజ్ చేయ‌డంతోనే అప్పుడు ఆ సీన్ చేశాను” అని ఆమని స్ప‌ష్టం చేసింది.
