Allu Arha : ఐకాన్ స్టార్ అల్లు అర్జున్‌కి ఎంత క్రేజ్ ఉందో ప్ర‌త్యేకంగా చెప్ప‌న‌క్క‌ర్లేదు.ఇక బ‌న్నీతో పాటు ఆయ‌న త‌న‌య అర్హ, స‌తీమ‌ణి స్నేహా రెడ్డికి సైతం విప‌రీత‌మైన ఫ్యాన్ ఫాలోయింగ్ ఉంది. అర్హ శాకుంతలం సినిమాలో చిన్నప్పటి భరతుడిగా కనిపించి ప్రేక్షకులను ఆకట్టుకున్నారు. ఈ మూవీలో అర్హ నటనకు ప్రేక్షకులు జేజేలు కొట్టారు. సమంత కీలక పాత్రలో వచ్చిన శాకుంతలం సినిమా బాక్సాఫిస్ వద్ద బోల్తా కొట్టినా అల్లు అర్హ మాత్రం మంచి పేరు తెచ్చుకొని అందరి దృష్టిని ఆక‌ర్షించింది. ఇప్పడు అర్హ మరోసారి వెండి తెరపై కనబడపోతున్నారట. ప్రముఖ దర్శకుడు కొరటాల శివ, జూనియర్ ఎన్టీర్ తో దేవర అనే సినిమా తెరకెక్కిస్తున్నారు. ఈ మూవీలో ఓ కీలకమైన పాత్ర కోసం అర్హను తీసుకుబోతున్నట్లు వార్తలు వస్తున్నాయి.
ఇక అర్హ‌కి సంబంధించిన వీడియోల‌ని ఎప్పటిక‌ప్పుడు స్నేహా రెడ్డి తన సోషల్ మీడియాలో షేర్ చేస్తూ ఉంటుంద‌నే విష‌యం తెలిసిందే. రీసెంట్ గా బన్నీ అర్హతో కలిసి ఆటలాడుతున్న వీడియోను సోషల్ మీడియాలో షేర్ చేశారు స్నేహా రెడ్డి. అల్లు అర్జున్ కు చిట్టి చిలకమ్మా అంటూ క్యూట్ గా ప‌ద్యం చెప్పింది అర్హ. ఇప్పుడు ఈ వీడియో సోషల్ మీడియాలో వైరల్ గా మారింది. ఈ వీడియోను స్నేహారెడ్డి సోషల్ మీడియాలో షేర్ చేశారు. ముద్దుల కూతురు క్యూట్ మాటలకు బన్నీ మురిసిపోయారు. తెలుగు రైమ్‌ను చూసి అందరూ పగలబడి నవ్వేస్తున్నారు. ఆ చెప్పిన విధానం, చేతులు ఆడించిన తీరు, మొహం తిప్పుకుంటున్న విధానం చూసి నెటిజన్లు ఫిదా అవుతున్నారు. స్నేహా రెడ్డి షేర్ చేసిన ఈ వీడియోలో అర్హ.. చీకా చీకా ఊచ్.. ఎక్కడికి వెళ్తావ్ ఊచ్ అంటూ భలే ఫన్నీగా చెప్పుకుంటూపోయింది.
డాటర్స్ డే సంద‌ర్భంగా కూడా బన్నీ తన కూతురితో స‌రాదాగా ఆడుకుంటున్న వీడియో వైరల్ అయింది. కూతురికే కాదు.. బయట ఉన్న అందరి పిల్లలకు డాటర్స్ డే విషెస్ చెప్పాడు. ఇక దాంతో పాటుగా తన కూతురితో ఉన్న వీడియోను షేర్ చేస్తూ కూతురంటే ఎంత ప్రాణమో చెప్పేశాడు.నువ్ ఎందుకు ఇంత క్యూట్‌గా ఉన్నావ్.. కొంచెం క్యూట్‌గా ఉంటే పర్లేదు.. మరీ ఎందుకు ఇంత క్యూట్‌గా ఉన్నావ్.. నువ్వే నా ప్రాణం.. నువ్వంటేనే నాకు చాలా ఇష్టం అంటూ బన్నీ తన కూతురిని చూసి మురిసిపోయాడు. అర్హ ఏమో.. నాకు క్యూట్ ఉండటం అంటేనే ఇష్టమని నవ్వేసింది. తండ్రి, కూతుళ్ల వీడియోకి సూప‌ర్భ్ రెస్పాన్స్ వ‌చ్చింది.
