కాంతారా అంత వ‌సూలు చేస్తుంటే.. అల్లు అర‌వింద్‌కి వ‌చ్చింది రూ.4 కోట్లేనా.. ఇదెట్లా సామీ..?

క‌న్న‌డ సూప‌ర్ హిట్ చిత్రం కాంతార బాక్సాఫీస్ దగ్గ‌ర సెన్సేష‌న్ క్రియేట్ చేస్తున్న విష‌యం తెలిసిందే. కన్నడలో సెప్టెంబర్ 30వ తేదీన విడుదలైన ఈ చిత్రం 15 రోజుల తరువాత తెలుగుతో పాటు ఇతర భాషల్లోను విడుదల అయింది. ఇంతవరకూ ఈ సినిమా 300 కోట్లకి పైగా వసూళ్లను సాధించినట్టుగా, తాజాగా ఈ సినిమా టీమ్ అధికారిక పోస్టర్ ను వదిలింది. కన్నడ ప్రాంతానికి చెందిన ఆచార .. విశ్వాసాలతో కూడిన కథను ఎంచుకోగా, అక్కడి ప్రేక్షకులకు వెంటనే కనెక్ట్ అయింది. అయితే ఇత‌ర బాష‌ల‌కు చెందిన వారు కూడా ఈ సినిమాని ఆద‌రించ‌డం విశేషం.

ఈ సినిమా తెలుగు వెర్షన్ ప్రపంచ వ్యాప్తంగా ఇప్పటికే రూ.50 కోట్ల గ్రాస్ వసూలు చేసింది. తెలుగు రాష్ట్రాల్లో అయితే రూ.40 కోట్ల మేర గ్రాస్ కలెక్ట్ చేసింది. ఈ సినిమాను సుమారు రూ.2 కోట్లకు తెలుగు థియేట్రికల్ హక్కులను అల్లు అరవింద్ కొనుగోలు చేశారని సమాచారం. అల్లు అరవింద్‌కు చెందిన గీతా ఫిల్మ్ డిస్ట్రిబ్యూషన్ సంస్థ తెలుగు రాష్ట్రాల్లో విడుదల చేసిన సంగతి చేయ‌గా, అల్లు అరవింద్‌కు విపరీతమైన లాభాలు వచ్చిపడ్డాయని.. గల్లాపెట్టి నిండిపోయిందని చాలా మంది భావిస్తున్నారు. కాని ఆయ‌న‌కు వ‌చ్చిన లాభాలు చాలా త‌క్కువ‌ని తెలుస్తుంది.

ఈ సినిమా తెలుగు హక్కులను అల్లు అరవింద్ కొనుగోలు చేయకుండా పర్సంటేజ్ బేస్ మీదనే రిలీజ్ చేయడంతో టోటల్ గ్రాస్ లో 10% మాత్రమే కమిషన్ తీసుకునేలా థియేటర్స్ లోకి తీసుకు వచ్చారట. దీంతో ఈ సినిమా ఎన్ని కోట్లు వసూళ్లు చేసిన పెద్దగా వచ్చిన లాభం ఏమీ లేదని చెబుతున్నారు.లాభాలన్నీ సినిమాను నిర్మించిన హోంబలే నిర్మాతలకే వెళుతుందట.అల్లు అరవింద్ పూర్తిగా కొనుగోలు చేసి ఉంటే భారీ లాభాలు వచ్చేవ‌ని ట్రేడ్ పండితులు అంటున్నారు . ఈ కార‌ణంగానే , రూ.40 కోట్లలో 10 శాతం అంటే రూ.4 కోట్లు మాత్రమే అల్లు అరవింద్ పాకెట్‌లోకి వెళ్తాయని ఇండస్ట్రీ వర్గాలు అంటున్నాయి.