Varun Tej : మెగాబ్ర‌ద‌ర్ నాగ‌బాబు ముద్దుల త‌న‌యుడు వరుణ్ తేజ్ గురించి ప్ర‌త్యేకంగా చెప్ప‌న‌క్క‌ర్లేదు. ముకుంద సినిమాతో టాలీవుడ్ ఎంట్రీ ఇచ్చి ఆ తర్వాత వరుస సినిమాలతో ప్రేక్షకుల అల‌రిస్తున్నాడు వరుణ్. చేసిన రెండవ సినిమాతోనే భారీ హిట్ ను సొంతం చేసుకున్న వరుణ్ ఆ తర్వాత ఫిదా, తొలి ప్రేమ, అంతరిక్షం,F2, గద్దల కొండ గణేష్ వంటి చిత్రాల‌తో బిగ్ హిట్ అందుకున్నాడు. ఇక ఈ సినిమాల విజ‌యం తర్వాత వరుణ్ తేజ్ క్రేజ్ మ‌రింత పెరిగింది. జ‌యాపజయాలతో సంబంధం లేకుండా వరుసగా సినిమాలు చేస్తూ ముందుకు సాగుతున్న వరుణ్ తేజ్… వైవిధ్య‌మైన క‌థ‌ల‌ను ఎంచుకుంటూ ముందుకు సాగుతున్నాడు.
వరుణ్ తేజ్ విష‌యానికి వ‌స్తే ఆయ‌న‌కి హైదరాబాద్ బిర్యానీ అంటే చాలా ఇష్టంమట. వరుణ్ తేజ్ తన సంపాదనతో నాలుగు కార్లు, గాయత్రి హిల్స్ లో ఓ గెస్ట్ హౌస్ కొనుక్కున్నాడట. ప్రస్తుతం వరుణ్ మణికొండలోని 9 కోట్ల విలువ చేసే విల్లాలో ఉంటున్నట్టు తెలుస్తుంది. సినిమాల ద్వారా వరుణ్ తేజ్ కోట్లాది రూపాయ‌లు సంపాదించిన‌ట్టు తెలుస్తుండ‌గా, త్వ‌ర‌లో మంచి అమ్మాయిని చూసి వివాహం కూడా చేయ‌సుకోనున్నాడ‌ట. వరుణ్ తేజ్ ప్రస్తుతం వరుస సినిమాలతో బిజీగా ఉన్నాడు. మెగా ఫ్యామిలీ నుండి చాలా మంది హీరోలు వచ్చినా సరే… వరుణ్ తేజ్ తనకంటూ సొంత ఇమేజ్ క్రియేట్ చేసుకొని ముందుకు సాగుతున్నాడు.
ప్రస్తుతం మెగా ప్రిన్స్ వరుణ్ తేజ్.. యాక్షన్ డైరెక్టర్ ప్రవీణ్ సత్తారుతో ఓ సినిమా చేస్తున్నాడు. ఇప్పటికే దీనికి సంబంధించిన చాలా వరకు షూటింగ్ పూర్తి అయింది. అలాగే, తన 13వ సినిమాను కూడా వరుణ్ ఇప్పటికే ప్రకటించాడు. తెలుగు, హిందీ భాషల్లో ఏకకాలంలో రాబోతున్న ఈ చిత్రాన్ని శక్తి ప్రతాప్ సింగ్ హడా రూపొందిస్తున్నాడు. ఎయిర్‌ఫోర్స్ వార్ బ్యాగ్‌డ్రాప్‌తో ఈ మూవీ రాబోతుంది. అంతేకాదు, భారత వైమానిక దళానికి చెందిన అభినందన్ వర్థమాన్ కథతో ఇది తెరకెక్కుతోందని తెలిసింది.
