Tarun : త‌రుణ్ నిహారిక‌ను పెళ్లి చేసుకోనున్నాడా.. క్లారిటీ ఇచ్చాడుగా..!

Tarun : ఒక‌ప్పుడు ల‌వ‌ర్ బాయ్‌గా తెలుగు ప్రేక్ష‌కుల‌కి చాలా ద‌గ్గ‌రైన హీరో త‌రుణ్‌. ఆయ‌న న‌టించిన చాలా చిత్రాలు బాక్సాఫీస్ ద‌గ్గ‌ర పెద్ద విజ‌యం సాధించాయి. అయితే త‌రుణ్ ఇటీవ‌ల సినిమాల‌లో క‌నిపించ‌డ‌మే మానేశాడు.ఇక యువ హీరోలు వరుసపెట్టి పెళ్లి తంతు ఫినిష్ చేసుకుంటున్నారు. ఈ క్రమంలోనే తరుణ్ పెళ్లి మ్యాటర్ గత కొన్ని నెలలుగా సోషల్ మీడియాలో వైరల్ అవుతోంది. ఈ క్ర‌మంలో ఏకంగా నిహారికను తరుణ్ పెళ్లాడబోతున్నట్లు పెద్ద ఎత్తున వార్తలు బయటకు వచ్చాయి. డివోర్స్ తీసుకున్న నిహారిక.. మళ్ళీ పెళ్ళికి రెడీ అయిందని, తరుణ్ ఫ్యామిలీతో పాటు మెగా ఫ్యామిలీ చర్చించుకొని వీళ్ళ పెళ్లి ఫిక్స్ చేశారనే టాక్ బయటకొచ్చింది. దీంతో ఏకంగా త‌రుణ్ స్పందించాల్సి వ‌చ్చింది.

తన పెళ్లి గురించి వస్తున్న వార్త నిజం కాదు అని త‌రున్ అన్నారు. నిజంగా తాను ఏదైనా శుభవార్త చెప్పాలనుకుంటే నిరభ్యంతరంగా సోషల్ మీడియా వేదికగా లేదా మీడియా ముఖంగా తెలియజేస్తాను. త‌న పెళ్లి విషయంలో పుకార్లు పుట్టించొద్దంటూ త‌రుణ్ కోరారు. అసలు తన పెళ్లి విషయంలో ఈ పుకార్లు ఎందుకు పుట్టుకొస్తున్నాయో తెలియడం లేదని అన్నారు తరుణ్. ప్రస్తుతం సినిమాలకు దూరంగా ఉంటున్న తరుణ్ బిజినెస్ లో బిజీగా ఉన్నారు. ఆ మధ్య తరుణ్‌కి పెళ్లి చేయబోతున్నామనే కామెంట్లు చేసింది ఆయన తల్లి రోజా రమణి. ఓ పెద్ద ఫ్యామిలీకి చెందిన వ్యక్తితో తరుణ్ మ్యారేజ్ ఉంటుందని చెప్పడంతో.. ఆయన పెళ్లి మ్యాటర్ పై బోలెడన్ని చర్చలు షురూ అయ్యాయి. ఈ క్రమంలోనే నిహారిక పేరు బయటకొచ్చింది.

టాలీవుడ్ లో బాల నటుడిగా సినీ రంగ ప్రవేశం చేసిన తరుణ్ లవర్ బాయ్ ఇమేజ్ తో తెలుగులో చాలా సినిమాలు చేశారు. మిలీనియం మొదట్లో నువ్వే కావాలి అంటూ తెలుగు ప్రేక్షకుల గుండెల్లో బాణాలు దింపిన త‌రుణ్ అమ్మాయిల క‌ల‌ల రాకుమారుడిగా కూడా మారాడు . ఆ తర్వాత కూడా ప్రియమైన నీకు, నువ్వే నువ్వే, నువ్వులేక నేనులేను లాంటి సినిమాలు తరుణ్‌ను ఆడియన్స్‌కు మరింత దగ్గర చేసాయి. ఆ తర్వాతే ఈయన కెరీర్ గాడి తప్పింది. దీంతో కొన్నాళ్లుగా సినిమాలకు గ్యాప్ ఇచ్చారు.కెరీర్ మధ్యలో కొంత గ్యాప్‌ తీసుకున్న తరుణ్‌.. ఆర్తి ఆగర్వాల్‌తో పీకల్లోతు ప్రేమలో మునిగిపోయారు. దీంతో సినిమాలపై ఫోకస్‌ చేయలేదు. దీంతో కెరీర్ కాస్త ట్రాక్ త‌ప్పింది. ఇప్పుడు ఆయ‌న సినిమాల‌పై పెద్ద‌గా ఆస‌క్తి చూపుతున్న‌ట్టు క‌నిపించ‌డం లేదు.