Balakrishna : నందమూరి బాలకృష్ణ ఏం చేసిన అది సంచ‌ల‌న‌మే. ఆయన ఇన్నాళ్లు న‌టుడిగా తెలుగు ప్రేక్ష‌కుల‌ని అలరించారు. అన్‌స్టాప‌బుల్ షోతో హోస్ట్ అవ‌తారం ఎత్తి రికార్డులు తిర‌గరాసారు. అన్‌స్టాప‌బుల్ షో రెండు సీజ‌న్స్ పూర్తి కాగా, రెండు సీజ‌న్స్ కి మంచి టీఆర్పీ ద‌క్కింది. ఇక ఇప్పుడు నటసింహా నందమూరి బాలకృష్ణ తెలుగులో ఐపీఎల్‌కు ప్రచారకర్తగా నియమితులైన సంగతి తెలిసిందే. ఈనెల 31న ఐపీఎల్ ప్రారంభ మ్యాచ్‌కు ఆయన కామెంట్రీ కూడా చెప్పనున్నారు. అయితే, ఈ ప్రచారంలో భాగంగా స్టార్ స్పోర్ట్స్ తెలుగు ఒక వీడియోను విడుదల చేసింది.
అందులో మాజీ క్రికెటర్‌ వేణుగోపాల రావు బాల్ బౌలింగ్‌ చేయగా భారీ షాట్లతో విరుచుకుపడ్డారు బాలయ్య. చూడముచ్చటైన షాట్లతో ఆకట్టుకున్నారు. ఆతర్వాత బంతిని అందుకుని బౌలింగ్‌ కూడా చేశారీ నందమూరి హీరో. ఇందుకు సంబంధించిన వీడియో నెట్టింట తెగ హ‌ల్‌చ‌ల్ చేస్తుంది. బాల‌య్య‌లో ఉన్న ఈ టాలెంట్ చూసి అంద‌రు అవాక్క‌వుతున్నారు. ముఖ్యంగా నందమూరి ఫ్యాన్స్‌ను ఈ వీడియో తెగ ఆకట్టుకుంటోంది. బాలయ్య ఐపీఎల్ తాజా సీజన్‌ తొలి రోజు స్టార్‌స్పోర్ట్స్‌ తెలుగులో బాలకృష్ణ కామెంట్రీ చేయనున్నారు. క్రికెట్‌ మీద ఉన్న మక్కువ తో నిర్వాహకులు అడిగిన వెంటనే బాలకృష్ణ కామెంట్రీకి అంగీకరించారని తెలుస్తోంది.
ఇక సినిమాల విషయానికొస్తే.. బాలయ్య ప్రస్తుతం స్టార్ డైరెక్టర్ అనిల్ రావిపూడి దర్శకత్వంలో ఓ సినిమా చేస్తున్నారు. కాజల్‌ అగర్వాల్‌ హీరోయిన్‌గా నటిస్తుండగా.. లేటెస్ట్‌ సెన్సేషన్‌ శ్రీలీల బాలయ్య కూతురి పాత్రలో కనిపించనుంది. తండ్రీ కూతుళ్ల సెంటిమెంట్తో ఈ సినిమా తెరకెక్కనుందని తెలుస్తోంది. షైన్ స్క్రీన్స్‌ బ్యానర్పై హరీష్ పెద్ది, సాహు గారపాటి నిర్మిస్తోన్న ఈ సినిమా షూటింగ్ శరవేగంగా సాగుతోంది. మ‌రోవైపు బాలయ్య క్రేజీ ప్రాజెక్ట్స్ చేసేందుకు స‌న్నాహాలు చేసుకుంటున్న‌ట్టు తెలుస్తుంది.
https://youtu.be/NoKYGatCKC4
