నందమూరి బాలకృష్ణ రీసెంట్‌గా వీర‌సింహారెడ్డి చిత్రంతో మంచి హిట్ అందుకున్న విషయం తెలిసిందే. భారీ అంచ‌నాల‌తో ప్రేక్ష‌కుల ముందుకు వ‌చ్చిన ఈ సినిమా అదే రేంజ్‌లో విజ‌యాన్ని అందుకుంది. ఇటీవ‌ల ఈ చిత్ర స‌క్సెస్ మీట్ నిర్వ‌హించారు మేక‌ర్స్ . ఈ వేడుక‌లో బాలయ్య ఫుల్ జోష్‌తో క‌నిపించారు.అదే స‌మయంలో అక్కినేని ఫ్యామిలీపై నందమూరి బాలకృష్ణ చేసిన కామెంట్లు తెగ వైరల్ అయ్యాయి. దీంతో బాలయ్యపై సోషల్ మీడియాలో తీవ్రంగా వ్యతిరేకత కూడా వచ్చింది. ఉద్దేశపూర్వకంగా అన్నారో లేక కావాలని అన్నారో అన్న విషయం పక్కన పెడితే అక్కినేని ఫ్యాన్స్ మాత్రం ఈ కామెంట్లతో హర్ట్ అయ్యారు. తాజాగా బాలయ్యకు హీరోలు నాగ చైతన్య, అఖిల్ ట్విట్టర్ వేదిక‌గా అదిరిపోయే కౌంట‌ర్ ఇచ్చారు.
బాలకృష్ణ తమ తాత, లెజెండరీ నటుడు అక్కినేని నాగేశ్వరరావును అగౌరవపరిచారంటూ నటులు నాగ చైతన్య, అఖిల్ అక్కినేని కలత చెందారు. ఈ మేరకు ఒక ప్రకటన విడుదల చేశారు. బాలకృష్ణ మాట్లాడుతూ లెజెండరీ నటులు అక్కినేని నాగేశ్వరరావు, ఎస్వీ రంగారావులపై అనూహ్యమైన వ్యాఖ్య చేశారు.”మా నాన్నగారి సమకాలీనులు, ఆ రంగారావు (ఎస్వీ రంగారావును ఉద్దేశించి), అక్కినేని తొక్కినేని, మరికొందరు ఉన్నారు అని మాట్లాడారు. తమ తాత గురించి బాలకృష్ణ అగౌరవంగా మాట్లాడినందుకు నాగ చైతన్య, అఖిల్ విచారం వ్యక్తం చేశారు. నాగ చైతన్య తన సోషల్ మీడియా హ్యాండిల్‌ను తీసుకొని.. లెజెండరీ నటుడిని అగౌరవపరచడం తమను కించపరచడమేనని అన్నారు.
నందమూరి తారక రామారావు గారు, అక్కినేని నాగేశ్వరరావు గారు, ఎస్‌వి రంగారావు గారు తెలుగు సినిమాకి గర్వకారణం అని, వారిని అగౌరవపరచడం మనల్ని మనం కించపరచుకున్నట్లేనని ఆ ప్రకటనలో పేర్కొన్నారు. అఖిల్ అక్కినేని కూడా అదే ప్రకటన విడుదల చేశారు. ఈ వివాదంపై నాగార్జున స్పందించలేదు. పాత సినిమాలకు సంబంధించిన చాలా విషయాలు చర్చించుకున్నామని చెప్పే క్రమంలో అక్కినేని పేరెత్తిన బాలయ్య దాంతో పాటు ‘తొక్కినేని’ అనే మాట వాడటంతో ఈ వీడియో వైరల్ అయిపోయింది.
