Prabhas : ఆహా వేదిక‌గా అన్‌స్టాప‌బుల్‌గా దూసుకుపోతున్న షో అన్‌స్టాప‌బుల్ . తొలి సీజ‌న్‌కి మంచి రెస్పాన్స్ రావ‌డంతో రెండో సీజన్ కూడా అదే జోష్‌తో దూసుకుపోతుది. ఈ సీజ‌న్‌లో సినిమా వాళ్లే కాకుండా రాజ‌కీయ నాయ‌కులు కూడా వ‌చ్చి సంద‌డి చేశారు. అయితే ఇటీవ‌ల ప్రముఖ నటుడు నందమూరి బాలకృష్ణ అన్‌స్టాప‌బుల్ షో సీజన్ 2లో లేటెస్ట్ ఎపిసోడ్‌కు సంబంధించిన ప్రొమో విడుద‌ల కాగా, ఇందులలో బాహుబలి ప్రభాస్, మాచోస్టార్ గోపీచంద్ ఇందులో మెరిశారు. ఈ ఎపిసోడ్ టెలికాస్ట్ కోసం ఎప్పుడెప్పుడా అంటూ ఎదురు చూస్తుండ‌గా, డిసెంబ‌ర్ 30న స్ట్రీమింగ్ కానున్న‌ట్టు తెలియ‌జేశారు. ఈ షోని చూసేందుకు ప్రభాస్ అభిమానులు మాత్రమే కాదు అనేక మంది సినీ అభిమానులు సైతం కొత్తగా సబ్స్క్రిప్షన్ తీసుకోబోతున్న‌ట్టు సమాచారం.
ఈ షోలో బాలకృష్ణ ప్రభాస్ పెళ్లి గురించి ఒక రేంజ్ లో ఆడుకున్నాడు, మొత్తం మీద ప్రభాస్ నుంచి పెళ్లి సమాచారం తీసుకొచ్చే ప్రయత్నం చేసిన బాలకృష్ణ ఏజ్ పెరిగిపోతున్న ఎందుకు పెళ్లి చేసుకోవడం లేదు అని అడిగితే నాకు రాసిపెట్టి లేదేమో సార్ అని ప్రభాస్ చెప్పడంతో మీ అమ్మకు చెప్పే సమాధానాలు నాకు చెప్పద్దు అంటూ ప్రభాస్ కి కౌంటర్ వేయడంతో ఒక్కసారిగా నవ్వేశారు. అనంత‌రం ప్రభాస్ రామ్ చరణ్ కి కాల్ చేయడంతో ప్రభాస్ మాత్రం కంగారు పడిపోయారు. తన సీక్రెట్స్ ఎక్కడ బయటకు వచ్చేస్తాయో అని ఆయన భయంతో కంగారుపడుతున్నట్లుగా కనిపించింది.
ఇక రామ్ చరణ్ కి కాల్ చేసిన బాలయ్య ప్రభాస్ గురించి ఎవరికీ తెలియని ఒక సీక్రెట్ చెప్పాలి అని అడిగితే ఏం చెప్పమంటావని ప్రభాస్ ను రామ్ చరణ్ అడగడం ఆసక్తికరంగా మారింది. అయితే బాలకృష్ణ ప్రభాస్ ప్రస్తుతం ఎవరితో రిలేషన్షిప్ లో ఉన్నాడో చెప్పు అని అడిగితే దానికి రాంచరణ్ సారీ బాలయ్య గారు మాకు ఒక బ్రో కోడ్ ఉంది దాన్ని బ్రేక్ చేయలేను అని అంటాడు. అయితే ఈ బ్రో కోడ్లు మన దగ్గర చెల్లవు ప్రస్తుతం ఏ అమ్మాయితో ప్రభాస్ డేటింగ్ చేస్తున్నాడు? రాజులా? రెడ్లా? నాయుడులా? చౌదరులా? సనన్ఆ లేదా శెట్టిలా అని నువ్వు చెప్పాల్సిందే అని బాలయ్య బలవంతం చేయగా ప్రభాస్ త్వరలోనే ఒక గుడ్ న్యూస్ చెప్పబోతున్నాడు అని రాంచరణ్ చెప్పడంతో బాలకృష్ణ ప్రభాస్ ని కాసేపు ఆడుకున్నారు.
