Jabardasth Vinod : బుల్లితెర ప్రేక్ష‌కుల‌కి మంచి కామెడీ పంచిన షో జ‌బ‌ర్ధ‌స్త్ . ఈ షో ద్వారా చాలా మంది వెలుగులోకి వ‌చ్చారు. అయితే మగతనాన్ని పక్కనపెట్టి మూతిన మీసం తీసి.. వేషం క‌ట్టి దాన్నే జీవితంగా మార్చుకుని ‘జబర్దస్త్’ వినోదాన్ని పంచుతూ ఉన్నాడు వినోద్.. అలియాస్ వినోదిని. జబర్దస్త్‌లో తాను వేసే లేడీ గెటప్‌‌‌ను చూసి తాను ట్రాన్స్‌జెండర్ అనుకునేవాళ్లు చాలా మంది ఉన్నారు. అయితే తాను ట్రాన్స్‌జెండర్ కాదని.. తన ఒరిజినల్ ఐడెంటిటీ వినోద్ అని చెప్పాడు. తన జీవితమంతా వినోద్ గానే కొనసాగుతాను తప్ప.. ట్రాన్స్‌జెండర్‌గా మారే ఆలోచనే లేదన్నాడు.వినోదిని అనేది కేవలం క్యారెక్టర్ మాత్రమేనని.. అది జబర్దస్త్‌కు మాత్రమే పరిమితం అని ఓ ఇంటర్వ్యూలో చెప్పారు.
లేడీ గెటప్‌లో ఆడియెన్స్‌ను మెప్పించడానికి పెర్ఫామెన్స్‌పై కాస్త ప్రత్యేక శ్రద్ద పెడుతానని వినోద్ చెప్పాడు. లేడీ గెటప్‌ కోసమే చేతి గోళ్లు కూడా పెంచుకున్నానని.. అంతే తప్ప వేరే ఉద్దేశం లేదని తన గురించి చెప్పుకొచ్చాడు. అయితే వినోద్ ఎక్కువగా చమ్మక్‌ చంద్ర టీంలో చేసేవారు. చంద్ర జబర్థస్త్‌ను వీడటంతో ఆయనతో పాటే వినోద్ కూడా బయటకు వెళ్లిపోయారు. తర్వాత మాటీవీ, జీ తెలుగులో పలు షోలలో చేస్తూ వ‌స్తున్న ఆయ‌న ఇటీవ‌ల అనారోగ్యం బారిన ప‌డ్డారు. అనారోగ్యం కారణంగా ఇంటికే పరిమితం అయిన వినోద్ ఇప్పుడు గుర్తు పట్టలేనంతగా మారిపోయారు. ఒకప్పటి వినోదిని , అనారోగ్యం తర్వాత మారిపోయిన వినోద్‌ను పక్కపక్కన పెట్టి ఊహించుకుంటే గుర్తుపట్టడం కొంత క‌ష్టంగా మారింది.
కొన్ని హెల్త్‌ ఇష్యూష్ వలన తాను కాస్తా వీక్‌ అవ్వటం జరిగింది. ఇంతకు ముందు అనుకోకుండా ఓ ఇంటర్వ్యూలో కూడా చెప్పటం జరిగింది. లంగ్‌ ఇన్‌ఫెక్షన్‌ వచ్చింది. నేను ఫుడ్‌ ఇన్‌టేక్‌ చాలా తక్కువ తీసుకుంటాను. నాన్‌వెజ్‌ తినను. లంగ్‌లో నీళ్లు వచ్చాయి. వాటిని తీసేశారు. ఆ టెన్షన్‌లో తీసుకునే ఫుడ్‌ కూడా ఆపేయటం వలన కాస్త వీక్‌ అయ్యాను. ఇప్పుడు రికవర్‌ అయ్యాను. చక్కగా మాట్లాడుతున్నాను. తింటున్నాను. ట్రీట్‌మెంట్‌ సమయంలో వాకింగ్‌ కూడా కష్టంగాఉండేది. ఇదంతా 3 నెలల క్రితం ఇది జరిగింది. దేవుడు, ప్రేక్షకుల దీవెనల వల్ల ఆరోగ్యం మెరుగుప‌డింది.. హెవీ జర్నీలు, ఏసీలో ప్రయాణాలు, చల్లటి నీళ్లు తాగటం, జంక్‌ ఫుడ్‌ తినటం వల్ల ఇప్పుడు మెరుగ్గానే ఉన్నాను అని వినోద్ చెప్పుకొచ్చాడు.
