Jagamemaya : క్రైమ్ థ్రిల్లర్ జానర్ లో తెరకెక్కిన రీసెంట్ మూవీ ‘జగమేమాయ’. ధన్య బాలకృష్ణ, చైతన్య రావు, తేజ ఐనంపూడి ప్రధాన పాత్రల్లో నటించిన ఈ సినిమా నేరుగా డిస్నీ ప్లస్ హాట్ స్టార్ లో ఓటిటి రిలీజ్ కాగా, మనీ చుట్టూ తిరిగే కాన్సెప్ట్ తో దర్శకుడు సునీల్ పుప్పాల ఈ మూవీ రూపొందించారు. ఉదయ్ కోలా, అన్నే విజయ్ శేఖర్ సంయుక్తంగా నిర్మించిన ఈ సినిమాకి మంచి రెస్పాన్స్ వ‌స్తుంది. సునీల్ పుప్పాల డైరెక్షన్ లో వచ్చిన జగమేమాయ డిస్నీ హాట్ స్టార్ లో డిసెంబర్ 14న రిలీజైంది.
క్రైం కామెడీ మూవీగా వచ్చిన ఈ సినిమాని కథకు ఎంత బడ్జెట్ అవసరమో దానికి ఎక్కడ కాంప్రమైజ్ అవకుండా ఖర్చు పెట్టినట్టు తెలుస్తుంది. 30 వెడ్స్ 21 వెబ్ సీరీస్ తో ప్రేక్షకులకు దగ్గరైన చైతన్య రావు తో పాటుగా తన ప్రతిభతో మెప్పిస్తూ వస్తున్న ధన్యా బాలకృష్ణ తేజ ఐనంపూడి కూడా సినిమాలో అద్భుతంగా న‌టించి తమ పాత్ర‌ల‌కు పూర్తి న్యాయం చేశారు. సినిమా ఫస్ట్ హాఫ్ మొత్తం క్రైమ్ కామెడీతో నటీనటుల అద్భుతమైన పర్ఫార్మెన్స్ తో మెప్పించ‌గా, సెకండ్ హాఫ్ థ్రిల్లర్ జోనర్ కి టర్న్ అయ్యి ఎండ్ వరకు చాలా ఎంగేజింగ్ గా అనిపిస్తుంది. డిస్నీ హాట్ స్టార్ లో తెలుగు తమిళ కన్నడ మలయాళ హిందీ భాషల్లో కూడా జగమేమాయ అనే సినిమా అందుబాటులో ఉంది.
ఇప్ప‌టి వరకు చిత్రపరిశ్రమలో డబ్బు చుట్టూ తిరిగే కథలు ఎన్నో వచ్చాయి. అభిమన్యుడు, బిజినెస్ మెన్, వేదం, జెర్సీ, సన్ ఆఫ్ సత్యమూర్తి, ఆ నలుగురు లాంటి ఎన్నో సూపర్ హిట్స్ తెలుగు ప్రేక్ష‌కుల‌ని అల‌రించాయి.. అలాగే డబ్బు కోసం మోసాలకు పాల్పడిన కథలు తెరపై చూపిన సినిమాలు కూడా చాలానే ఉన్నాయి. అదీగాక ఈ మధ్యకాలంలో సమాజంలో జరుగుతున్న రియల్ లైఫ్ ఇన్సిడెంట్స్ ఆధారంగా ఎన్నో సినిమాలు రూపొందుతున్నాయి. ఈ జగమే మాయ సినిమా కూడా ఆ కోవకే చెందుతుందని చెప్పాలి. . కాకపోతే రొటీన్ స్టోరీకి కొత్త మెరుగులు దిద్దే ప్రయత్నం చేశారని చెప్పాలి.. అయితే.. ఇదివరకే ఇలాంటి కాన్సెప్టులు చూసేయడంతో స్టోరీ లైన్ వరకు ఓకే అని చెప్పాలి. చిన్న బడ్జెట్ కాబట్టి.. ప్రొడక్షన్ వాల్యూస్ యావరేజ్ గా ఉన్నాయి కాబట్టి జగమే మాయని టైం పాస్ మూవీగా చూడ‌వ‌చ్చు.
