Sundarakanda Aparna : వెంకటేష్ నటించిన సినిమాల్లో ఎప్పటికీ గుర్తుండిపోయే సినిమా సుందరకాండ. 1992లో వచ్చిన ఈ సినిమాకి కె.రాఘవేంద్రరావు గారు దర్శకత్వం వహించారు. తమిళ్ లో సుందరకాండం పేరుతో వచ్చిన సినిమాకి తెలుగు రీమేక్ గా ఈ చిత్రం రూపొందింది. సుందరకాండ సినిమాకి ఎం.ఎం. కీరవాణి స్వరాలను అందించారు. సినిమా క‌థ‌తో పాటు సంగీతం కూడా ప్రేక్ష‌కుల‌ని ఎంత‌గానో క‌ట్టిప‌డేసింది. అయితే ఒక స్టూడెంట్ టీచర్ ని ఇష్టపడితే ఎలా ఉంటుంది అని సాగే ఈ సినిమాలో ఒక హీరోయిన్ గా మీనా నటించగా, వెంకటేష్ ను ఇష్టపడే స్టూడెంట్ పాత్రలో అపర్ణ నటించారు.
అయితే అపర్ణ పాత్ర కోసం రాఘవేంద్రరావు ఓ స్టార్ హీరోయిన్‌ను తీసుకోవాల‌ని అనుకున్నారు. అయితే ఆ పాత్ర‌కు ఆమె అంత‌గా సూట్ కాక‌పోవ‌డంతో ఓ కొత్త అమ్మాయి బాగుంటుంద‌ని..ఆ అమ్మాయి కోసం వెతుకుతున్నారు. ఈ క్ర‌మంలోనే ఆయ‌న ఓ రోజు నిర్మాత కెవివి. స‌త్య‌నారాయ‌ణ గారింటికి వెళ్లారు . అక్క‌డ ఉన్న ఓ అమ్మాయి ఆయ‌న‌కు బాగా న‌చ్చేసింది. త‌న స్టూడెంట్ పాత్ర‌కు ఆమె అయితేనే సూట్ అవుతుంద‌ని భావించారు. అయితే ఆ అమ్మాయి ఎవ‌రో ? పైగా నిర్మాత ఇంట్లో ఉంది ? ఆమె సినిమాల్లో న‌టిస్తుందో ? లేదో ? క‌దా ? అనుకుని ఆయ‌న మౌనంగా ఉండిపోయారు.
ప‌ది రోజుల త‌ర్వాత ఆ పాత్ర కోసం రాఘవేంద్రరావు అడిష‌న్స్ నిర్వ‌హించారు. ఆ ఆడిష‌న్స్ కోసం అపర్ణ కూడా వ‌చ్చింది. ఇంకేముందు వెంట‌నే ఆమెను చూసిన రాఘవేంద్రరావు సెల‌క్ట్ చేసేశారు. నువ్వు ఎవ‌రు అమ్మాయి ? అని ఆయ‌న అడిగితే.. సార్ నా పేరు అపర్ణ. నేను నిర్మాత కెవివి. స‌త్య‌నారాయ‌ణ గారి మేన‌కోడ‌లిని అని చెప్పింద‌ట . దాంతో అసిస్టెంట్‌తో ఆమెను ఓకే చేసేయండ‌ని చెప్పేశార‌ట రాఘవేంద్రరావు. ఈ సినిమాలో అద్భుతంగా న‌టించి అంద‌రి మ‌న్న‌న‌లు పొందింది. ఈ సినిమా త‌ర్వాత ఆమెకు చాలా సినిమాల్లో హీరోయిన్‌గా అవ‌కాశాలు వ‌చ్చాయి. అయిన‌ప్ప‌టికీ పెద్ద గా న‌టించ‌లేదు. 2002లో పెళ్లి చేసుకుని అమెరికా చెక్కేసింది. ఇటీవ‌ల అపర్ణ ఫొటోలు సోష‌ల్ మీడియాలో చ‌క్క‌ర్లు కొట్ట‌గా అవి చూసి చాలా మంది షాక్ అయ్యారు.
