Baahubali 2 : బాహుబ‌లి 2లో ఆ హింట్ ఇచ్చారే.. మ‌న‌మే గుర్తు ప‌ట్ట‌లేక‌పోయామా..?

Baahubali 2 : తెలుగు సినిమా ఖ్యాతిని పెంచిన చిత్రం బాహుబలి. రెండు పార్ట్‌లుగా తెర‌కెక్కిన ఈ చిత్రం అనేక సంచ‌ల‌నాలు క్రియేట్ చేసింది. ప్ర‌భాస్ ద్విపాత్రాభినయం, రానా, అనుష్క మరియు తమన్నా ముఖ్య పాత్రలతో తెరకెక్కిన ఈ చిత్రానికి రాజమౌళి దర్శకత్వం వహించ‌గా, ఈ సినిమాలు కలెక్షన్ల పరంగా ప్రపంచ వ్యాప్తంగా సునామీ సృష్టించాయి.ఈ సినిమాతో ప్ర‌భాస్ పాన్ ఇండియా స్టార్‌గా మార‌గా, రాజ‌మౌళి మోస్ట్ పాపుల‌ర్ డైరెక్ట‌ర్ అయ్యాడు. కలెక్షన్ ల పరంగా అదరగొట్టిన ఈ సినిమాపై బాహుబలి పార్ట్ – 3 కూడా రానుందని కొన్ని సినీ వర్గాలలో గుసగుసలు వినిపిస్తున్నాయి.

రాధేశ్యామ్ ప్రమోషన్ లలో భాగంగా ప్రభాస్ స్పందిస్తూ.. “బాహుబలి పార్ట్-3 గురించి నాకు కూడా ఎలాంటి వార్త లేదు.. కానీ టైం వస్తే జరగొచ్చు” అని హింట్ ఇచ్ఛేస‌రికి ఈ సినిమా త‌ప్ప‌క ఉంటుంద‌ని అంద‌రు అనుకున్నారు. రాజ‌మౌళి కూడా ప‌లు సందర్భాల‌లో బాహుబ‌లి 3పై ఇన్‌డైరెక్ట్‌గా ప్ర‌స్తావించారు. గ‌తంలో ఓ ఇంట‌ర్వ్యూలో బాహుబ‌లి సినిమా ర‌చ‌యిత విజయేంద్ర‌ప్ర‌సాద్ బాహుబ‌లి పార్ట్ 3 కూడా ఉంటుంద‌ని , కాకపోతే ఇంకా స‌మ‌యం ప‌డుతుంద‌ని చెప్పారు. తాజాగా మ‌రోసారి బాహుబ‌లి 3 గురించి చ‌ర్చ న‌డుస్తుంది. అమెరికాలోని లాస్ ఏంజిల్స్ లో మూవీ మార‌థాన్ జ‌రుగుతుండ‌గా, ఈ ఈవెంట్ లో రాజ‌మౌళి సినిమాలను కూడా ప్ర‌ద‌ర్శిస్తున్నారు.

ఈ క్ర‌మంలో రాజ‌మౌళికి క్యూ అండ్ ఏ లో పాల్గొన్నార‌ట‌. అప్పుడు బాహుబ‌లి 3కి సంబంధించిన ప్ర‌శ్న‌లు ఎదుర‌య్యాయి. ఆ క్ర‌మంలో రాజ‌మౌళి మాట్లాడుతూ.. తాను ఇప్ప‌టి వ‌ర‌కు చేసిన సినిమాల్లో ఒకే ఒక సినిమా క్లైమాక్స్ ను ఓపెన్ ఎండ్ గా సంభాష‌ణ‌ను పెట్టిన‌ట్టు చెప్పారు. అలా బాహుబ‌లి సినిమాలో క్లైమాక్స్ లోనే త‌నికెళ్ల భ‌ర‌ణి మ‌రియు చిన్నారి మ‌ధ్య జ‌ర‌గ‌గా, అప్పుడు స్వామీజీ వేషంలో ఉన్న త‌నికెళ్ల భ‌ర‌ణితో చిన్నారి మ‌హేంద్ర బాహుబ‌లి కొడుకు రాజు అయ్యాడు తాతా అని అడుగుతుంది. దానికి త‌నికెళ్ల‌భ‌ర‌ణి.. ఏమో శివయ్య మ‌న‌సులో ఏమనుకుంటాడో నాకేటి ఎరుక‌.. అంటూ స‌మాధానం ఇస్తాడు. అంటే దీనిని బ‌ట్టి రాజ‌మౌళి అప్పుడే బాహుబ‌లి 3పై హింట్ ఇచ్చాడ అని చ‌ర్చ మొద‌లు పెట్టారు.