Gulu Gulu Movie Review : థియేట‌ర్‌లో విడుద‌ల‌య్యే సినిమాల‌కే కాదు ఓటీటీలో సినిమాల‌కు కూడా మంచి ఆద‌ర‌ణ ల‌భిస్తుంది. వెరైటీ కాన్సెప్ట్‌ల‌తో చిత్రాలు వ‌స్తుండ‌గా, వాటిని తెగ ఆద‌రిస్తూ వ‌స్తున్నారు. తాజాగా కోలీవుడ్ డైరెక్టర్ రత్నకుమార్ బ్లాక్ కామెడీ నేపథ్యంలో ‘గులు గులు’ అనే సినిమా తెరకెక్కించాడు. జూలైలో థియేట్రికల్ రిలీజైన ఈ సినిమా రీసెంట్‌గా ఓటీటీ ద్వారా ప్రేక్ష‌కుల ముందుకు వ‌చ్చింది. సంతానం హీరోగా న‌టించిన మూవీ ఎలా ఉందో చూద్దాం.
కథ:
చెన్నైలో నివసించే గులు గులు అలియాస్ గూగుల్(సంతానం) త‌న ద‌గ్గ‌ర‌కు వ‌చ్చిన వారికి సాయం చేసి ఇబ్బందుల్లో ప‌డ‌తాడు. అదే స‌మ‌యంలో ప్రముఖ మద్యం వ్యాపారి కూతురు మటిల్డా(అతుల్య చంద్ర) ఫ్రాన్స్ నుండి ఇండియాలో అడుగు పెడుతుంది. అయితే.. ఎప్పటినుండో మటిల్డాని చంపాలని సవతి తల్లి కొడుకులు డేవిడ్(ప్రదీప్ రావత్), రాబర్ట్(బిపిన్ కుమార్) అవకాశం కోసం ఎదురు చూస్తుంటారు అయితే మటిల్డాకి బదులుగా సైంటిస్ట్ కొడుకును గుర్తుతెలియని బృందం కిడ్నాప్ చేయ‌డంతో ఆయ‌న కోసం గులు గులుని ఆశ్రయిస్తారు ఫ్రెండ్స్. మ‌రి చివరికి కథ ఎలా సాగింద‌నేది సినిమా చూస్తే తెలుస్తుంది.
ప‌ర్‌ఫార్మెన్స్:
సంచారిగా చిత్రంలో సంతానం నటన బాగుంది. గులు గులు క్యారెక్టర్ లో అద్భుతంగా న‌టించాడు . భయపెట్టే విలన్‌ గా ప్రదీప్ రావత్ పాత్ర పవర్‌ ఫుల్‌ గా ఉంది. జార్జ్ మేరియన్, హీరోయిన్ అతుల్య చంద్రల నటన కూడా ప్రేక్షకులను ఎంటర్టైన్ చేస్తాయి. మిగ‌తా పాత్ర ధారులు కూడా అద్భుత ప్ర‌ద‌ర్శ‌న క‌న‌బ‌రిచారు. ఇక టెక్నిక‌ల్ విష‌యానికి వ‌స్తే.. సినిమాటోగ్రఫీ, నిర్మాణ విలువలు బాగున్నాయి. డైరెక్టర్ రత్నకుమార్ సినిమాలో కథని చాలా నీట్ గా ప్రెజెంట్ చేశాడు . నిర్మాణ విలువలు కూడా బాగున్నాయి.
ప్లస్ పాయింట్స్
- సంతానం, మెయిన్ క్యారెక్టర్స్
- స్టోరీ
- మ్యూజిక్
- కొన్ని కామెడీ సీక్వెన్సులు
మైనస్ లు:
- లాజిక్స్ లేని కామెడీ
- ఫ్లాట్ స్క్రీన్ ప్లే
విశ్లేష‌ణ:
ఈ సినిమా అంతా గులు గులు(సంతానం) క్యారెక్టర్ చుట్టూనే తిరుగుతుంది. గులు గులు దాదాపు 13 భాషలు మాట్లాడగలడు.. గులు గులు క్యారెక్టర్ ద్వారానే సినిమాలో మెయిన్ క్యారెక్టర్స్ ఒక్కొక్కటీగా పరిచయం అవుతుంటాయి. ఎన్నో చిక్కుల మధ్య క్లైమాక్స్ పై ఆసక్తిని ఆడియెన్స్ లో కలిగించడంలో సక్సెస్ అయ్యాడు దర్శకుడు. దర్శకుడు అనుకున్న ఆలోచనను తెరపై ఆవిష్కరించాడు. అయితే.. డార్క్ కామెడీ కాబట్టి.. సినిమా ఎంతవరకు ప్రేక్షకులను ఆకట్టుకుంటుంది అనేది ప్రధానాంశంగా మారింది.
