Anasuya : అందాల ముద్దుగుమ్మ అనసూయ ఇటీవ‌లి కాలంలో వివాదాల‌తో ఎక్కువ కాపురం చేస్తున్న విష‌యం తెలిసిందే. లైగ‌ర్ రిలీజ్ తర్వాత ఇన్‌డైరెక్ట్ కామెంట్స్ చేసిన అనసూయ ఆయ‌న అభిమానుల‌తో విమ‌ర్శ‌లు పొందింది. వారు నానా ర‌కాలుగా టార్చ‌ర్ పెట్టాల‌ని చూసిన అనసూయ వారికి ధీటుగా బ‌దులిచ్చింది. అయితే తాజాగా ఈ అమ్మ‌డు కాంతార సినిమా హీరో కమ్ దర్శకుడు రిషబ్ శెట్టి పై ఆస‌క్తిక‌ర కామెంట్స్ చేసింది. కాంతార సినిమా సైలెంట్‌గా విడుద‌లై సెన్సేష‌న్ క్రియేట్ చేసింది. ప్రపంచవ్యాప్తంగా విడుదలైన అన్ని భాషల్లోనూ కాంతార మూవీ బ్లాక్‌బాస్టర్ హిట్‌గా నిలిచి రూ.400 కోట్లకిపైగా వసూళ్లని రాబట్టింది. ఈ సినిమా బడ్జెట్ కేవలం రూ.15 కోట్లు కాగా, అంత వ‌సూళ్లు రాబ‌ట్ట‌డంతో అంద‌రు ఆశ్చ‌ర్య‌పోయారు.
చిత్రంలో రిషబ్ శెట్టి న‌ట‌కు మంచి మార్కులు ప‌డ్డాయి.క్లైమాక్స్‌లో న‌ట విశ్వరూపం చూపించి విమ‌ర్శకుల ప్ర‌శంస‌లు పొందాడు. ఈ భాష ఆ భాష అనే తేడా లేకుండా ప్రతి ఒక్క‌రు రిష‌భ్ న‌ట‌న మెచ్చుకున్నారు. సూపర్ స్టార్ రజనీకాంత్ సైతం సినిమాని చూసి రిషబ్ శెట్టిని పిలిపించుకుని మరీ అభినందించి ఓ గోల్డ్ చైన్‌‌ని గిప్ట్‌గా ఇచ్చాడు. తాజాగా కాంతార మూవీ గురించి అనసూయ మాట్లాడుతూ ‘‘రిషబ్ శెట్టి ఈ సినిమాలో నమ్మశక్యంకాని రీతిలో యాక్ట్ చేశాడ‌ని, ఆ సినిమా ప్రభావం నుంచి నేను వేగంగా బయటికి రాలేకపోయాను’’ అని చెప్పుకొచ్చింది.
కాంతార సినిమాలో వచ్చే ‘ఓ’ శబ్ధం థియేటర్ నుంచి వెలుపలికి వచ్చిన తర్వాత కూడా కొన్ని నిమిషాల పాటు మనల్ని వెంటాడుతూనే ఉంటుంది. అంతలా ప్రభావం చూపింది ఆ శబ్ధం. ఇదే విషయాన్ని అనసూయతో పాటు చాలా మంది సెలెబ్రిటీలు కూడా చెప్పారు. కాంతార సినిమా ప్ర‌స్తుతం ఓటీటీలో సంద‌డి చేస్తుంది. ఇక అనసూయ విష‌యానికి వ‌స్తే జ‌బ‌ర్ధ‌స్త్ షో నుండి త‌ప్పుకున్న అనసూయ ప్ర‌స్తుతం ప‌లు సినిమాలు, వెబ్ సిరీస్ లు చేస్తుంది. కృష్ణ వంశీ దర్శకత్వం వహిస్తున్న ‘రంగ మార్తాండ’ మూవీలో కీలక పాత్ర పోషించిన ఈ అమ్మ‌డు త్వ‌ర‌లోనే ఈ చిత్రంతో ప‌ల‌క‌రించ‌నుంది.
