Varalaxmi Sarathkumar : తమిళ స్టార్ శరత్ కుమార్ నట వారసురాలిగా వరలక్ష్మి శరత్ కుమార్ ఇండస్ట్రీలో అడుగు పెట్టిన విషయం తెల్సిందే. శరత్ కుమార్ ఎన్నో విలక్షణ పాత్రల్లో నటించినట్లుగానే, వరలక్ష్మి శరత్ కుమార్ కూడా విభిన్నమైన పాత్రల్లో నటించి మంచి పేరు తెచ్చుకుంటుంది. తెలుగులో క్యారెక్టర్ ఆర్టిస్టుగా, విలన్ పాత్రల్లో వరలక్ష్మి చేసిన సినిమాలు మరియు పాత్రలు నిలిచి పోయేలా ఉన్నాయంటూ కామెంట్స్ వస్తున్నాయి. గంభీరమైన గొంతుతో.. కరుకైన మాటతో.. హావభావాలతో తెలుగు ప్రేక్షకులను ఆకట్టుకుంటుంది. తాజాగా ఓ ఇంటర్వ్యూలో వరలక్ష్మి శరత్ కుమార్ మాట్లాడుతూ పలు ఆసక్తికర విషయాలను వెల్లడించింది.
చిన్నతనంలో తనపై లైంగిక దాడి జరిగిందని షాకింగ్ విషయాన్ని తెలిపింది. అంతే కాదు ఓ టీవీ ఛానెల్ అధినేత తనతో పడుకోవాలంటూ అడిగాడని.. తను వెంటనే పోరా పోరంబోకు అంటూ చెయ్యి చేసుకోబోయే సరికి పారిపోయాడంటూ.. నమ్మలేని విషయాలు వెల్లడించారు. ఇక తన కెరీర్ గురించి చాలా విషయాలు చెప్పారు వరలక్ష్మి. తను నటి అవ్వాలి అనకున్నప్పుడు తన తండ్రి శరత్ కుమార్ వద్దన్నారని. కానీ తన తల్లి రాధికతో కలిసి శరత్ కుమార్ ను ఒప్పించారనన్నారు.
తను కూడా ఇండస్ట్రీలో చాలా ఇబ్బందులు ఫేస్ చేశానని తెలిపారు వరలక్ష్మి. తనకు తెలుగు, కన్నడ, మలయాళం, హిందీతో పాటుగా ఫ్రెంచ్, స్పానిష్ కూడా వచ్చు అన్నారు. ఇక తాను చేస్తున్న సమాజ సేవ గురించి కూడా వివరించారు. తన తల్లి చేస్తున్న బిజినెస్ లు మాన్పించి.. తను స్టార్ట్ చేసిన శ్రీ శక్తి ఎన్జీవో పనులు అప్పగించిందట. అత్యాచారాలకు గురైన వారికి అండగా ఉండటం. గృహహింసకు సబంధించిన వారి తరపున కోర్టుల్లో పోరాడటం లాంటివి చేస్తున్నారు. యశోద సినిమాలో ఫెర్టిలిటీ సెంటర్ ఓనర్ గా నటించింది వరలక్ష్మి. ప్రస్తుతం బాలయ్య – మలినేని గోపీచంద్ సినిమాలో కూడా నటిస్తోంది వరలక్ష్మి.
