Samantha And Naga Chaitanya : టాలీవుడ్ మోస్ట్ ల‌వ‌బుల్ క‌పుల్ నాగ చైతన్య, సమంత గ‌త ఏడాది అక్టోబ‌ర్ 2న విడాకులు తీసుకొని అంద‌రికి పెద్ద షాకిచ్చిన విషయం తెలిసిందే. వీరు విడిపోయి ఏడాది అవుతున్నా కూడా వారు విడాకులు తీసుకోవ‌డానికి గ‌ల కార‌ణం ఏంట‌నేది ఇప్ప‌టి వ‌ర‌కు ఎవ‌రికి తెలియ‌దు కాని వాటికి సంబంధించి ఎన్నో వార్త‌లు సోష‌ల్ మీడియాలో తెగ హ‌ల్‌చ‌ల్ చేస్తున్నాయి. అయితే సమంత ఇటీవ‌ల మయోసైటిస్ బారిన ప‌డిన విషయం తెలిసిందే. ఈ విష‌యాన్ని ఆమె స్వ‌యంగా తెలియ‌జేసింది. దీంతో అంద‌రు సమంత త్వ‌ర‌గా కోలుకోవాల‌ని ప్రార్ధిస్తున్నారు. ఇక నాగ చైతన్య కూడా పాత‌వ‌న్నీ మ‌ర‌చిపోయి సమంత ద‌గ్గ‌ర‌కు వెళ్లి ఆమె ఆరోగ్య ప‌రిస్థితి అడిగి తెలుసుకున్నాడ‌ట.
స‌మంత‌కు కావ‌ల్సిన ధైర్యం కూడా అందించాడ‌నే టాక్ న‌డుస్తుంది. ఇప్ప‌టి నుండి వారిద్ద‌రు స్నేహితులుగా ఉంటార‌ని,త్వ‌ర‌లో కలిసి సినిమా చేయ‌నున్నార‌ని కొన్ని ప్ర‌చారాలు న‌డుస్తున్నాయి. ఆ మ‌ధ్య కాఫీ విత్ క‌ర‌ణ్ జోహార్ షోలో నాగ చైత‌న్య‌ని, స‌మంత‌ని ఒకే రూంలో ఉంచితే ప‌దునైన వ‌స్తువులు లేకుండా చూడాల‌ని చెప్పుకొచ్చింది. అంటే ఇద్ద‌రి మ‌ధ్య అంత ప‌గ ఉందా అనే అనుమానాలు అభిమానుల మ‌దిలో మెదిలాయి. అయితే సమంత అనారోగ్యం బారిన ప‌డిన తర్వాత చైతూ చాలా కేరింగ్ తీసుకోవ‌డంతో ఇద్దరు మంచి ఫ్రెండ్స్‌గా మారారాని, త్వ‌ర‌లో కలిసి సినిమా కూడా చేయ‌నున్నార‌ని ప్ర‌చారం న‌డుస్తుంది.
సమంత, నాగచైతన్య వీరిద్దరు ప్రేమించి పెళ్లి చేసుకున్న విషయం తెలిసిందే. సామ్ చై కలిసి ఏ మాయ చేశావే సినిమాలో కలిసి నటించారు. ఆ తర్వాత మజిలీ, ఆటోనగర్ సూర్య వంటి సినిమాలు చేశారు. ఆ క్రమంలో ఒకరినొకరు ఇష్టపడి పెళ్లి చేసుకోవాలనుకున్నారు. పెద్దల్ని ఒప్పించి ఒక్కటయ్యారు.విడాకుల తర్వాత ఇద్దరు సోలో జీవితం గ‌డుపుతున్నారు. అయితే సమంత మరియు నాగ చైతన్య ని పెట్టి ఒక సినిమా చెయ్యాలనే ఆలోచనలో ప్రముఖ టాలీవుడ్ టాప్ నిర్మాత దిల్ రాజు ఉన్నట్టు ఆ మ‌ధ్య ఫిలిం నగర్ లో ఒక వార్త తెగ చక్కర్లు కొట్టింది…విడాకులు తర్వాత వీళ్లిద్దరు కలిసి నటిస్తే అదొక క్రేజీ కాంబినేషన్ అవుతుందని..బాక్స్ ఆఫీస్ వద్ద కూడా బాగా వర్కౌట్ అవుతుందని దిల్ రాజు ఆలోచిస్తున్నట్లు వార్త‌లు వ‌చ్చాయి.
