Venkatesh : టాలీవుడ్ సీనియ‌ర్ హీరో వెంకటేష్ ఇప్ప‌టికీ వైవిధ్య‌మైన సినిమాల‌తో ప్రేక్ష‌కుల‌ని అలరిస్తున్న విష‌యం తెలిసిందే. ఆయ‌న సినిమాల‌కి మినిమం గ్యారెంటీ ఉంటుంది. వెంకీ తెలుగు ప్రేక్ష‌కుల‌నే కాకుండా హిందీ ప్రేక్ష‌కుల‌ని కూడా అల‌రించాడు. “అనారి” సినిమాతో బాలీవుడ్లో అడుగు పెట్టిన వెంకటేష్ ఆ తర్వాత తర్వాత “తకదీర్ వాలా” సినిమాలో కూడా నటించారు. అయితే ఆ సినిమా తర్వాత వెంకటేష్ కేవలం తెలుగు సినిమాల పైన మాత్రమే దృష్టి పెట్టారు. చాలా వరకు వెంకటేష్ నటించిన తెలుగు సినిమాలు హిందీలో కూడా డబ్ అవడంతో వెంకీ కి బాలీవుడ్లో కూడా మంచి ఫ్యాన్ ఫాలోయింగ్ ఏర్పడింది.
అయితే వెంకటేష్ ప్ర‌స్తుతం హిందీ చిత్రం ‘కిసీ కా భాయ్ కిసీ కా జాన్ లో గెస్ట్ రోల్ పోషిస్తున్నాడు. సల్మాన్ ఖాన్ ప్ర‌ధాన పాత్ర పోషిస్తుండ‌గా, పూజా హెగ్డే క‌థానాయిక‌గా న‌టిస్తుంది. ప్ర‌స్తుతం ఈ మూవీ శ‌ర‌వేగంగా షూటింగ్ జ‌రుపుకుంటుంది. అయితే వెంకటేష్ ఈ చిత్రంలో న‌టించ‌డం ప‌ట్ల ద‌గ్గుబాటి అభిమానులు అసంతృప్తిగా ఉన్న‌ట్టు తెలుస్తుంది. మ‌న సౌత్ చిత్రాలు జాతీయ స్థాయిలో ప్ర‌భావం చూపిస్తున్న‌ప్పుడు వెంకటేష్ వెళ్లి అక్క‌డ చిత్రంలో న‌టించాల్సిన అవ‌స‌రం ఏముంద‌ని కొంద‌రు వాపోతున్నారు.
ఎఫ్3 లాంటి చిత్రంతో వెంకటేష్ 60 కోట్ల షేర్ వసూలు చేశాడు. ఇప్ప‌టికీ ఆయ‌న చిత్రాలు మంచి వ‌సూళ్లు రాబ‌డుతున్నాయి. ఇలాంటి స‌మ‌యంలో కంటెంట్ లేని బాలీవుడ్ చిత్రాలు చేసే బ‌దులు మంచి చిత్రాల‌ను చేసి త‌న మార్కెట్‌ని పెంచుకోవాల‌ని అభిమానులు అభిప్రాయ‌ప‌డుతున్నారు .మ‌రి అభిమానుల కోరిక‌ని వెంకటేష్ రిసీవ్ చేసుకుంటారా లేదా అనేది చూడాలి. సల్మాన్ ఖాన్ స్వయంగా నిర్మిస్తున్న ఈ సినిమాకి ఎ.ఆర్.రెహమాన్ సంగీతాన్ని అందిస్తున్నారు. సల్మాన్ ఖాన్ స్వయంగా వెంకటేష్ ను కలిసి ఈ సినిమా కోసం ఒప్పించినట్లు తెలుస్తోంది.
