Jabardasth Naresh : జబర్ధస్త్ షో వలన చాలా మంది ఫేమస్ అయ్యారు. వారిలో నరేష్ ఒకడు. చూడ్డానికి పిచుక పిల్లలా కనిపిస్తాడు కాని అతని ఎనర్జీ, కామెడీ అదిరిపోతుంది. పొట్టి నరేష్ ఇండస్ట్రీలో తనకంటూ ఒక ప్రత్యేకమైన క్రేజ్ అందుకున్నాడు. తన లోపంతోనే సరదాగా కామెడీ చేస్తూ అందరిని నవ్వించడమే కాకుండా తన కుటుంబాన్ని కూడా పోషిస్తున్నాడు. అయితే చాలా మందికి నరేష్ని చూస్తే ఓ సందేహం తప్పక కలుగుతుంది. అతను చిన్న పిల్లవాడా లేకుంటే పెద్ద వాడైన కూడా లోపం వలన అలా కనిపిస్తున్నాడా అని ఆలోచనలో పడుతుంటారు.
ఇటీవల నరేష్ ఒక స్కిట్లో భాగంగా 22 సంవత్సరాలుగా తాను జిమ్ చేస్తున్నానంటూ తన వయస్సును చెప్పకనే చెప్పేశారు. జబర్దస్త్ నరేష్ వయస్సు అంత ఉంటుందా అనే సందేహం అందరిలో ఉన్నా అది నిజం. బుల్లెట్ భాస్కర్ టీమ్ ద్వారా వెలుగులోకి వచ్చిన నరేష్ ఇప్పుడు తన కామెడీతో ఎంతగానో అలరిస్తున్నాడు. ఈ షో ఆ షో అనేది కాకుండా అన్ని కామెడీ షోలలో తనదైన హాస్యం పంచుతూ అలరిస్తున్నాడు నరేష్. పలు ఈవెంట్లలో కూడా నరేష్ సందడి చూస్తూ ఫ్యాన్ ఫాలోయింగ్ ను పాపులారిటీని అంతకంతకూ పెంచుకుంటుండటం గమనార్హం. ఈయన్ని అంతా ముద్దుగా పొట్టి నరేష్ అని పిలుస్తుంటారు.
డాన్సర్గా వచ్చిన నరేష్ ఇప్పుడు జబర్దస్త్లో స్టార్ కమెడియన్ అయిపోయాడు. హైట్ తక్కువగా ఉన్నాడనే అవమానాలు పడినా.. ఇప్పుడు అదే హైట్ ఆయనకు అన్నం పెడుతుంది. ముఖ్యంగా తనదైన పంచ్ డైలాగులతో కడుపులు చెక్కలయ్యేలా నవ్విస్తుంటాడు నరేష్. స్క్రిప్ట్లో లేని పంచులు వేయడంలో మనోడు దిట్ట. మంచి ఇల్లు కట్టుకోవాలన్నది తన ఆశయమని చెప్పిన నరేష్ ప్రస్తుతం జబర్దస్త్ కామెడీ షోతో పాటు మరికొన్ని షోలతో బిజీగా ఉన్నట్లు తెలిపారు. అలాగే ఈ కమెడియన్ పలు సినిమాల్లో కూడా నటిస్తున్నాడట.
