Nagababu : నాగబాబు ముద్దులు కూతురు నిహారిక చాలా త‌క్కువ టైంలోనే ఫుల్ ఫేమ‌స్ అయింది. సినిమాల‌లోకి రాకముందు కొన్ని షార్ట్ ఫిల్మ్‌లలోనూ నటించింది. ఈ క్రమంలోనే పింక్ ఎలిఫెంట్ పిక్చర్స్ అనే బ్యానర్ స్థాపించి.. ముద్దపప్పు ఆవకాయ్, నాన్న కూచీ అనే వెబ్ సిరీస్‌లను నిర్మించి, నటించింది. సినిమాల్లోకి రాక‌ముందే నిహారిక మంచి పాపులారిటీ ద‌క్కించుకోగా, సినిమాల్లోకి వ‌చ్చిన తర్వాత పెద్ద‌గా గుర్తింపు తెచ్చుకుంది ఏమీలేదు. దీంతో కెరీర్‌లో నాలుగైదు సినిమాలు చేసి సైలెంట్ అయింది. ఆ సమయంలోనే ఆమె చైతన్య జొన్నలగడ్డను వివాహం చేసుకుంది.
అయితే పెళ్లి తర్వాత న‌టిగా కాకుండా నిర్మాత‌గా రాణిస్తుంది. తన బ్యానర్‌లో వెబ్ సిరీస్‌లు నిర్మిస్తూ ఫుల్ బిజీగా గడుపుతోంది. అయితే నిహారిక పెళ్లి ఎంత గ్రాండ్‌గా జ‌రిగిందో ప్రత్యేకంగా చెప్పనక్కర్లేదు. రాజస్థాన్‌లోని ఉదయ్‌పూర్‌లో ఈ పెళ్లి వేడుక జ‌ర‌గ‌గా దీని కోసం భారీగానే ఖ‌ర్చు పెట్టారు. ఇక తన అల్లుడికి కానుక‌లు కూడా బాగానే ఇచ్చిన‌ట్టు తెలుస్తుంది. చైతన్య చాలా సౌండ్ పార్టీ అయినా కూడా నాగబాబు తన అల్లుడికి భారీగా కట్నం సమర్పించారు. దాదాపుగా రూ.15 కోట్ల వరకు కట్నం ఇచ్చినట్లుగా సమాచారం.
నిహారిక పేరు మీద అల్లుడికి ఓ బంగ‌ళా కూడా ఇచ్చాడంట. ఇక పెళ్లిలో నిహారిక‌కు ఖ‌రీదైన బ‌హుమ‌తులు వ‌చ్చాయ‌ని సమాచారం. చిరంజీవి వ‌జ్రాల హారాన్ని అందించ‌గా, దాని ధ‌ర రూ.2కోట్ల వరకు ఉంద‌ట. ఇక అన్న వ‌రుణ్ తేజ్ కూడా చెల్లి కోసం రూ.2కోట్ల విలువ చేసే ఫ్లాట్ గిప్ట్‌గా ఇచ్చాడ‌ని.. బాబాయ్ ప‌వ‌న్ క‌ల్యాణ్‌ కూడా ఖ‌రీదైన కారును అందించాడని అంటున్నారు. ఇక సోషల్ మీడియాలో మెగా డాటర్ నిహారిక కొణిదెల ఎంత యాక్టివ్‌గా ఉంటుందో ప్రత్యేకంగా చెప్పనక్కర్లేదు. ఇందులో భాగంగానే ఆమె తన పర్సనల్ అండ్ ప్రొఫెషనల్ లైఫ్‌కు సంబంధించిన ఎన్నో విషయాలు, విశేషాలను ఫ్యాన్స్‌తో పంచుకుంటోంది.
