Allu Arjun : ఐకాన్ స్టార్ అల్లు అర్జున్ ఎంత ఎదిగినా ఒదిగి ఉండే మనస్తత్వం. ఆయన సినిమాలతో ఎంత బిజీగా ఉన్నా కూడా ఫ్యామిలీకి తప్పక సమయం కేటాయిస్తుంటారు. అనతి కాలంలోనే స్టార్ హీరోగా ఎదిగిన అల్లు అర్జున్ త్వరలో పుష్ప 2 షూటింగ్ మొదలు పెట్టనున్నాడు. ఇక ఈ సినిమా షూటింగ్ మొదలైతే బన్నీ చాలా బిజీ అవుతాడు. అందుకే విలువైన సమయాన్ని ఫ్యామిలీకి కేటాయిస్తున్నాడు. గురువారం స్నేహా రెడ్డి బర్త్ డే కావడంతో తన భార్యకు ఇష్టమైన డైమండ్ రింగ్ ను బన్నీ ప్రజెంట్ చేశారట. నిజానికి దీని కాస్ట్ రెండు కోట్లు పైనే అంటున్నారు.
భార్య బర్త్ డే కోసం అంత కాస్ట్లీ గిఫ్ట్ కొనిచ్చావా బన్నీ అంటూ కొందరు అతనిపై ప్రశంసల జల్లు కురిపిస్తున్నారు. ఇక తన భార్య స్నేహ రెడ్డి పుట్టినరోజు సందర్భంగా ప్రత్యేకంగా పంజాబ్ లోని అమృత్ సర్ లో ఉన్న గోల్డెన్ టెంపుల్ ను సందర్శించారు. ఎప్పటినుంచో గోల్డెన్ టెంపుల్ కు వెళ్లాలి అని అనుకుంటున్నాడు. ఇక ఫైనల్ గా ఇటీవల అల్లు అర్జున్ తన భార్య పిల్లలతో కలిసి పవిత్ర స్థలం కు చేరుకొని అక్కడ ప్రార్ధనలు కూడా చేశారు. అంతేకాకుండా మత పెద్దల ఆశీర్వాదాలు కూడా తీసుకున్నారు.
పంజాబ్ రాష్ట్రంలో కూడా పుష్ప సినిమాకు మంచి కలెక్షన్స్ వచ్చాయి. ఇక ఇప్పుడు బన్నీ వెళ్లడంతో అక్కడికి చాలామంది అభిమానులు కూడా వెళ్లారు. ఇక బన్నీ వారికి ఎంతో ఆప్యాయంగా అభివాదం చేశారు. ఇక పుష్ప 2 విషయానికి వస్తే సుకుమార్ మొదటి పార్ట్ కంటే ఎక్కువ స్థాయిలో సెకండ్ పార్ట్ ను తెరపైకి తీసుకురావాలని అనుకుంటున్నారు. ఇక ఈ సినిమా షూటింగ్ మొదలుకాక ముందే అప్పుడే నిర్మాతలకు భారీ స్థాయిలో ఆఫర్లు కూడా వస్తున్నట్లు తెలుస్తోంది. దాదాపు రూ.700 కోట్లకు పైగా సెకండ్ పార్ట్ బిజినెస్ చేసే అవకాశం ఉన్నట్లు సమాచారం.
